IMAMAT 14:18 - KITAB NU TUMPU ALLA LELE MA'IMAI'

¹⁸ Labinyo nu lanya' tionyo ahi' odudu'akonmo i ubak nu mian aijo'. Sumo aijo'mo na imam mombau anu bau pomposusi' hi mian aijo' i ahop nu Tumpu.

IMAMAT 14:18 ပူးပေါင်းရင်းမြစ်များ

NOSABATMO 29:7

Lantas ala na lanya' anu opake, de mombalakatimo, dudu'akon aita' i ubaknyo ka' sapuimo nu lanya' na ia.

IMAMAT 14:17

Lantas sangkiding na lanya' anu dagi' i limanyo tionyo ahi' nu sapuakon i tampat-tampat anu sinapuanmo baso', aijo'mo i bihing koanan sasu aluknyo, i kanumpu nu lima koanan ka' i kanumpu nu tengke koanan hi mian anu pinoto'imo belesi'.

IMAMAT 15:15

Imam tionyo ahi' monsombahkonmo sa'angu' na tomonsi' bau koloban pongampuni dosa' ka' sa'angu' mule' bau koloban anu opotunu. Sumo aijo'mo na imam mombau anu pomposusi' mian aijo' hi ahop nu Tumpu.

IMAMAT 4:20

Mombau anu susumo aijo', sumomo mombau anu osombahkon na sapi' lakinyo bau koloban pongampuni dosa'. Sumo aijo' na Imam Daka' monsombahkon koloban anu bau pontobus to dosa-dosa' nu mian hi Tumpu, sahingga dosa' haha aijo' nu ampunimo nu Tumpu.

IMAMAT 4:26

Lapas aijo' iwi-iwi' na lompo'nyo nu binatang aijo' tionyo ahi' opotunu i mezbah, susumo koloban anu bau pompodame. Sumo aijo' na Imam monsombahkon koloban pontobus dosa' nu samian anu montoongi kakuasa'an, sahingga mian aijo' nu ampunimo nu Tumpu.

IMAMAT 4:31

Iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' nupotunu nu imam i mezbah, da hongohisnyo momposanang kinyonyoa nu Tumpu. Sumo aijo' na Imam monsombahkon koloban pontobus dosa' nu samian na layat sahingga mian aijo' nu ampunimo nu Tumpu.

IMAMAT 4:35

Lapas aijo' iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' opotunu i mezbah, hingga-hinggat tiba koloban kaanon anu osombahkon hi Tumpu. Sumo aijo' na imam monsombahkon koloban bau pontobus dosa' nu mian aijo', sahingga ia nu ampunimo nu Tumpu.

IMAMAT 5:16

Mian aijo' tionyo ahi' mombayan apaa na anu u'utu mae kinolilimannyomo, ka' montuangi mule' uampulu' na palasen. Lapas aijo' ia tionyo ahi' mombee'mo binatang aijo' hi imam, ka' imam mongkolobanakonmo bau pontobus dosa' nu mian aijo' sahingga nu ampunimo nu Tumpu.

IMAMAT 8:12

Lapas aijo' i Musa nombalakatimo i Harun, ia nondudu'akonmo sangkiding na lanya' anu opake mombalakati i ubaknyo.

NOMBILANGMO 15:28

Imam tionyo ahi' mombau pongampuni dosa' hi ahop nu Tumpu, da mian aijo' o ampuni na dosa'nyo.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.