IMAMAT 14:12 - KITAB NU TUMPU ALLA LELE MA'IMAI'

¹² Imam tionyo ahi' mongalamo sa'angu' na anak nu domba lakinyo tiba lanya' nu zaitun saliter obagi totolu', sambahagian na bau koloban polugi'i, ka' osombahkon salaku palasombahan anu obee' hi Tumpu.

IMAMAT 14:12 ပူးပေါင်းရင်းမြစ်များ

NOSABATMO 29:22

Ala na lompo'nyo nu domba lakinyo aijo', ikunyo anu ko lompo'nyo, tohitisnyo anu nolapisi kompongnyo, atenyo anu ma'ima' hondo, ohu-ohua' na dampilannyo tiba lompo'nyo, ka' pa'anyo koanan.

NOSABATMO 29:24

Potimpas iwi-iwi' na kaanon haha aijo' i lima i Harun ka' to ana-anaknyo ka' pokau na aha monsimpalaakon mae hi beleng-Ku salaku anu sinimpalakon na nonsombahkon.

NOSABATMO 29:26

Ala na saha'annyo nu domba lakinyo aijo' ka' osombahkon salaku anu osimpalakon hi beleng-Ku. Ka' aijo'mo na bau bahagian nu belemiu.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 14:11

Lantas imam tionyo ahi' momboa ia tiba anu nu sombahkon aijo' i ahop nu sabatan nu Kemah nu Tumpu.

IMAMAT 14:19

Lapas aijo' imam tionyo ahi' monsombahkonmo koloban pongampuni dosa' da mian anu nahumimi'mo aijo' belesi'mo. Lapas mae ia tionyo ahi' mongkolotmo binatang bau koloban anu opotumuu',

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.