IMAMAT 13:45 - KITAB NU TUMPU ALLA LELE MA'IMAI'

⁴⁵ De ko mian anu kinonamo nu panyakit kilit anu monsilakai tionyo ahi' mompusok baju' anu mobea-beak ka' mompojohokmo ubaknyo tapuhakak. Ia tionyo ahi' mongkukubi aluknyo nu ohupnyo ka' lewa' moloboo', “Nahumimi'mo! Nahumimi'mo!”

IMAMAT 13:45 ပူးပေါင်းရင်းမြစ်များ

KAJADIAN 37:29

Salatan i Ruben po'ule'mo nokiijo' i bubung aijo' ka' madi'mo tinokannyo na i Yusuf ikiijo', bineaknyomo na baju'nyo kalana talalomo hondo molibos.

2 SAMUEL 13:19

Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

2 TOMU-TOMUNDO' 7:3

Sinaa aitu aha opat na mian ko panyakit kilit anu okabuhuk kiijo' i sambiha' nu sabatan nu kota' Samaria. Aha binasisikmo samian ka' samian, “Apaa na gunanyo kita lewa' sumuhang i aiya montanda'i kasilakanto?

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 51:3

Kalibosiakon mae na aku o Tumpu, kalana Belento tetap mongkalibosi, hapusakon na dosa'ku kalana kalibosan nu Belento anu daka' hondo.

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 36:24

Maunyomo ahi' i Elnatan, i Delaya, tiba i Gemarya nongkakasemo da boli nu papui itomundo' na kitab anu ilulun aijo' panyo madi' ahi' ia nongala-ala aha. Maumo ahi' itomundo' kabai to mia-mian anu kopangkatnyo nonohongomo isi nu kitab aijo' madi' ahi' mongoa'i buhuk kabai pa' mompele-pele na kinyonyoa.

MOHAANGI 4:15

Mian notatae, “Lako'mo lengkat i aiya! Belemiu aiya nahumimi'mo, boli mae montiik kami!” Sahingga nambamo na aha ka' naha lajanganmo lengkat i bansa sa'angu' mokiijo' i bansa sangga'at, panyo maumo pa' ihe madi' mompobee' jojoong tataap.

YEHEZKIEL 24:17

Boli sampe hohunsuk nu beleyum ohongomo. Boli lumajang lantas madi' mingkukumbung kabai madi' mompai pisolop salaku mian anu sinusa'mo kalana ko anumo sinilaka.”

YEHEZKIEL 24:22

Lantas belemiu mombaumo susumo anu binaungkumo uuka aiya. Belemiu madi'mo daagi' mongkukumbungi ohup nu belemiu kabai mongkaan roti anu binau tempo'nyo ko anumo sinilaka.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

IMAMAT 10:6

Lantas i Musa notataemo hi Harun ka' hi to ana-anaknyo sangga'at, aijo'mo i Eleazar ka' i Itamar, “Boli opojohok na ubak nu belemiu tapuhakak ka' boli obeak na baju' nu belemiu salaku tanda taalu' belemiu sinusa'mo ka' nohangimo. De belemiu mombau sumo aijo' belemiu silakamo, ka' iwi-iwi' na aha mian Israel nutambuha'imo nu Tumpu. Panyo iwi-iwi' na aha mian Israel sangga'at timbali mohangi ua-ua'aha aijo' anu pinateanmo nu apu lengkat mae hi Tumpu.

IMAMAT 13:44

imam tionyo ahi' mompoto'i ia taalu' nahumimi'mo kalana kinonamo nu panyakit kilit anu monsilakai i ubaknyo.

IMAMAT 21:10

Imam Daka' binalakatanmo, ia dinudu'anmo nu lanya' anu bau pombalakati i ubaknyo ka' nompopusokmo baju' nu imam daka' hi ia. Kalana aijo' ia madi'mo timbali mompojohok ubaknyo tapuhakak kabai mombeakmo baju'nyo salaku tanda sinusa'mo kalana ko anumo sinilaka.

MIKHA 3:7

To mia-mian anu lewa' mongkila-kila sinaa anu aiya mae i ahop ma ambangmo kalana anu lewa' kinila-kilanyo madi' totu'u. Aha iwi-iwi' madi'mo daagi' opalesaya kalana Tumpu madi'mo montaami aha.

NOMBILANGMO 5:2

“Bee' na palentah aiya hi aha mian Israel: Iwi-iwi' na mian anu kinonamo nu panyakit kilit anu monsilakai, kabai panyakit anu nongkonamo ka'ambangan, kabai anu nonsala' kanyangmo mian anu sinilakamo, tionyo ahi' osabatakonmo i kemah nu aha mian Israel.

LUKAS 17:12

Tempo'nyo ninsoop i sa'angu' na kampung, Ia ilambanan mae nu sampulu' na mian anu ko panyakit kilit anu okabuhuk. Tinuminjo majo'on na aha aijo' mae.

LUKAS 5:8

Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”