IMAMAT 13:4 - KITAB NU TUMPU ALLA LELE MA'IMAI'

⁴ Panyo de kilit anu masakit aijo' mompute'mo ka' madi' mosi palebokmo susumo kilit anu i duhu-duhuknyo ka' bulu i tampat aijo' suele madi' mopute' mian aijo' tionyo ahi' oposi pojoongmo kopinnyo pitun sinaa.

IMAMAT 13:4 ပူးပေါင်းရင်းမြစ်များ

YEHEZKIEL 44:10

Tumpu notataemo mae hi belengku, “Ku hukumo na aha mian nu Lewi anu nosangaja'mo aha mian nu Israel sangga'at, aha nohikumo Aku ka' nonsombahmo pilogot.

IMAMAT 13:11

mian aijo' kinonamo nu panyakit kilit anu monsilakai. Imam tionyo ahi' mompoto'i mian aijo' nahumimi'mo. Madi'mo pilenje momposi pojoong ia, kalana nanasamo taalu' i nahumimi'mo.

IMAMAT 13:25

imam tionyo ahi' mompalesa. De bulu i tampat aijo' nopute'mo ka' belanyo mosi palebokmo, madi'mo susumo kilit anu i duhu-duhuknyo saba' aijo' panyakit kilit anu monsilakai nolelemo i bela anu nohohut aijo', ka' imam tionyo ahi' mompoto'i mian aijo' nahumimi'mo.

IMAMAT 13:26

Panyo de bulu i tampat aijo' madi' mopute' ka' i tampat aijo' madi' mosi palebokmo i kilit anu i duhu-duhuknyo, ola nohahamo saba' mian aijo' tionyo ahi' oposi pojoongmo pitun sinaa na kopinnyo.

IMAMAT 13:3

Imam tionyo ahi' mompalesa kilit anu masakit hi mian aijo'. De bulu i tampat anu masakit aijo' mopute'mo, ka' kilitnyo anu masakit aijo' otoa mosi palebokmo madi'mo pokakana kilit anu i duhu-duhuknyo, mian aijo' kinonamo nu panyakit kilit anu monsilakai. Imam tionyo ahi' mompoto'imo taalu' mian aijo' nahumimi'mo.

IMAMAT 13:31

De koonyo nu imam anu nompalesa tampat anu masakit aijo' madi' nosi palebokmo i kilit anu i duhu-duhuknyo, panyo madi' ko hambahan nu ubak kabai jangkut anu daagi' ma'ima' i tampat aijo' mian aijo' tionyo ahi' oposi pojoongmo pitun sinaa na kopinnyo.

IMAMAT 13:5

I sinaa ko ipitunnyo, imam tionyo ahi' mompo'ule'mo mompalesa. Ka' de koonyo panyakit aijo' sasumo aijo'nyomo ka' madi' molele, mian aijo' tionyo ahi' oposi pojoong pe'e daagi' pitun sinaa mule'.

IMAMAT 13:50

Imam tionyo ahi' mompalesa balang aijo', lantas oposi po'una'mo kopinnyo pitun sinaa.

IMAMAT 14:38

imam tionyo ahi' mompala'i laigan aijo', ka' ogunsingmo ko pinnyo pitun sinaa.

NOMBILANGMO 12:14

Tinaaman nu Tumpu, “De bisuannyo ohupnyo tinupe'an nu tuumanyo, te misa' kopinnyo pitun sinaa na ia tionyo ahi' mongoa'i ambang? Lalin pe'e na ia boli jojoong i kemah kopinnyo pitun sinaa, ka' lapas aijo' timbalije ia minsusule' mae.”

NOMBILANGMO 12:15

Lantas i Miryam sinabatakonmo lengkat i kemah kopinnyo pitun sinaa, ka' bansa aijo' madi' nolalin lengkat ikiijo' sampe i Miryam pinobe'mo minsusule' i kemah.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

PO'ULE' INGULIT 13:14

De o hongo na sisik anu susumo aijo' opinasa pe'e totu-totu'u.

1 TIMOTIUS 5:24

Dosa' nu sambagian mian mau ma'isa pe'e oputusi, nanasamo na nontoa. Panyo dosa' nu mian sangga'at osumbu'je de lapasmo na mongulus.