IMAMAT 13:21 - KITAB NU TUMPU ALLA LELE MA'IMAI'

²¹ Panyo de koonyo nu imam anu nompalesa bulu i tampat aijo' madi' nopute' ka' tampat aijo' madi' nosi palebokmo i kilit anu i duhu-duhuknyo, ola nohahamo, mian aijo' tionyo ahi' oposi pojoongmo kopinnyo pitun sinaa.

IMAMAT 13:21 ပူးပေါင်းရင်းမြစ်များ

IMAMAT 13:20

da opalesa. De nana'nyo haha aijo' otoa mosi palebokmo madi'mo sumo kilit anu i duhu-duhuknyo ka' bulu i tampat aijo' suele nopute'mo, imam tionyo ahi' mompoto'i taalu' mian aijo' nahumimi'mo. Bisun aijo' montampu'unimo panyakit kilit anu monsilakai.

IMAMAT 13:22

De nana'nyo mopute' aijo' nolelemo, imam tionyo ahi' mompoto'i mian aijo' nahumimi'mo kalana ia kinonamo nu panyakit kilit anu monsilakai.

IMAMAT 13:4

Panyo de kilit anu masakit aijo' mompute'mo ka' madi' mosi palebokmo susumo kilit anu i duhu-duhuknyo ka' bulu i tampat aijo' suele madi' mopute' mian aijo' tionyo ahi' oposi pojoongmo kopinnyo pitun sinaa.

1 KORINTUS 5:5

komiu tionyo mombee' mian aijo' hi Ibilis da butong nu mian aijo' osilakai, desumo aitu yo santuu'nyo oposalamat de Tumpu po'ule'mo toka.