IMAMAT 13:2 - KITAB NU TUMPU ALLA LELE MA'IMAI'

² De daagi' ko mian anu kinumalubabangmo kabai kinumahutonmo kabai ninana'mo mopute' i kilitnyo anu timbalimo panyakit kilit anu monsilakai, ia tionyo ahi' oboa hi imam lee' i Harun.

IMAMAT 13:2 ပူးပေါင်းရင်းမြစ်များ

2 SAMUEL 3:29

I Yoab ahi' na ohukum tiba aha sampoto utusannyo kalana aha nombaumo han anu sumo aijo'. O'amalakon aha sampoto utusan i Yoab molundu-lundu na lee' nu aha saja' nu kona nu panyakit kilit anu okabuhuk, kabai to momo'ane nu aha madi' mahoson kabai silaka i uno nu pahampatean, kabai saja' kakulangan i anu okaan!”

2 TOMU-TOMUNDO' 5:1

I Naaman talenga' nu suludadu nu Siria anu nu kalibosi hondo ka' nu angga'i i tomundo' Siria. Kalana tibaje i Naaman sahingga Tumpu nombee'ije ka'untungan nahampate na suludadu Siria. I Naaman samian na talenga' anu baani hondo panyo ia ko panyakitnyo i kilit anu okabuhuk hondo.

2 TOMU-TOMUNDO' 5:27

Kalana beleyum nongalamo anu binee'nyo aijo' beleyum suele nongalamo panyakit i Naaman. Ka' mule' sampe toka sidu-sidutu' lee' nu beleyum suele nu konamo nu panyakit aijo'!” Salatan i Gehazi nosabatmo lengkat kiijo', ia kinonamo nu panyakit kilit – kilitnyo nopute'mo hondo.

YESAYA 1:6

Lengkat pe'e i ubak toka-toka i pala nu tengke madi'mo daagi' ko anu ma'ima i butong nu beleyum. Kahomo binangkak na butong nu beleyum, kahomo ningkalubabang ka' mule' kahomo bela. Bela haha aijo' ma'isa dinagusan kabai binobodan, ma'isa mule' pinakuli'an nu lanya'.

YESAYA 3:17

Panyo Ku hukumo na aha; ubak nu aha saidi' mae kahomo kumahut ka' okismo.”

IMAMAT 13:1

Tumpu nombee'mo atulan haha aiya hi Musa ka' hi Harun:

IMAMAT 13:3

Imam tionyo ahi' mompalesa kilit anu masakit hi mian aijo'. De bulu i tampat anu masakit aijo' mopute'mo, ka' kilitnyo anu masakit aijo' otoa mosi palebokmo madi'mo pokakana kilit anu i duhu-duhuknyo, mian aijo' kinonamo nu panyakit kilit anu monsilakai. Imam tionyo ahi' mompoto'imo taalu' mian aijo' nahumimi'mo.

IMAMAT 13:8

Imam tionyo ahi' po'ule' mompalesa, ka' de panyakitnyo memang nolelemo, mian aijo' tionyo ahi' opoto'i nahumimi'mo. Ia kinonamo nu panyakit kilit anu monsilakai.

IMAMAT 14:3

lantas i imam momboamo i sambiha'nyo nu kemah. De koonyo i imam mian anu pinalesamo aijo' na'alinmo,

IMAMAT 14:35

De ko mian montoa anu mapuk i laigannyo, han aijo' tionyo ahi' opoto'i hi imam.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

NOMBILANGMO 12:10

Salatan kundom aijo' nompala'imo Kemah nu Tumpu, tinoa na i Miryam kinonamo nu panyakit kilit anu monsilakai; kilitnyo nopute'mo susumo kapas. Salatan siniloi i Harun na i Miryam ka' nontoamo taalu' ia kinonamo nu panyakit kilit aijo',

NOMBILANGMO 12:12

Boli ola opojohok na ia susumo anak anu sala'je i hampe ka' balomo sinilaka ka' mule' butongnyo moho-moho'mo nabusik.”

MATIUS 8:4

Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

MARKUS 1:44

“Jaga, boli o sisik mau mule' hi he, panyo lako'mo hi imam, ka' poita na ia da mompototu'u saba' beleyum na'alinmo. Lantas bau pina'alinanum aijo', palasombahkon na koloban sumo anu pinalentahkon i Musa, salaku bukuti' hi aha to mia-mian, kalana beleyum totu-totu'u na'alinmo.”

LUKAS 17:14

Tempo'nyo i Yesus nontoa aha, Ia notatae, “Lako'mo hi to ima-imam, poita da aha mompalesa butongum.” Hau-haunyo aha laja-lajang, na'alinmo na panyakitnyo.

LUKAS 5:14

Lantas i Yesus nontewa' mian aijo' boli monsisik han aijo' mau mule' pa' hi he, tukoo-Nyo, “Lako'mo hi imam ka' poita na ia da mompototu'u beleyum na'alinmo. Ka' lako' sombahkon na koloban sumo anu pinalentahkonmo i Musa, salaku bukuti' saba' beleyum totu-totu'u na'alinmo.”

PO'ULE' INGULIT 24:8

De daagi' ko panyakit kilit anu monsilakai, bau ima-ima' apaa na anu pinalentahkonmo nu to ima-imam Lewi hi belemiu; obatuki na pokinde' iwi-iwi' anu binee'kumo hi aha.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.