IMAMAT 12:6 - KITAB NU TUMPU ALLA LELE MA'IMAI'

⁶ De lapasmo na tempo'nyo momposusi' kalana nompohampemo anak mo'ane kabai anak boune, boune aijo' tionyo ahi' momboa anu osombahkon hi imam i ahop nu sabatan nu Kemah nu Tumpu. Anu osombahkon aijo', aijo'mo sa'angu' na anak nu domba umunnyo sataunmo bau koloban anu opotunu, ka' sa'angu' na tomonsi' malapati' anu daagi' bata'nyo kabai tomonsi' sapatau anu daagi' bata'nyo bau koloban pongampuni dosa'.

IMAMAT 12:6 ပူးပေါင်းရင်းမြစ်များ

KAJADIAN 15:9

Tinaaman nu Tumpu, “Ala mae bau baging-Ku sa'angu' na sapi' behenyo, sa'angu' na mee' behenyo ka' sa'angu' na mee' lakinyo, toto sa'angu' umunnyo totolu'mo na taun ka' suele sa'angu' na tomonsi' sapatau ka' sa'angu' na tomonsi' malapati'.”

IMAMAT 12:2

kona hi bansa Israel. De samian na boune mompohampe anak mo'ane, saba' pitun sinaa na kopinnyo boune aijo' mahumimi'mo sumomo tempo'nyo ia hau-haunyo tinokamo na adat nu boune.

IMAMAT 12:5

De samian na boune mompohampe anak boune, saba' kopinnyo sampulu' ka' opat na sinaa na boune aijo' mahumimi', sumomo tempo'nyo ia hau-hau-nyo tinokamo na adat nu boune. Daagi' anompulu' ka' anon sinaa na boune aijo' daagi' sabole-bole mahumimi', kalana daagi' ko homenyo.

IMAMAT 12:7

Imam tionyo ahi' mombee' anu osombahkonnyo aijo' hi Tumpu ka' mombau adatnyo anu bau pompobelesi' humimi' nu boune aijo', sahingga ia timbalimo belesi'. Jadi' aijo' na tionyo sabole-bole obau nu samian na boune de ia moko pohampemo.

IMAMAT 14:22

Ia tionyo ahi' momboa ohua' na tomonsi' malapati anu daagi' bata'nyo kabai sapatau anu daagi' bata'nyo: sa'angu' bau koloban pongampuni dosa' ka' sa'angu' mule' bau koloban anu opotunu.

IMAMAT 15:14

Toka i sinaa ko ialunnyo ia tionyo ahi' momboa ohua' na tomonsi' malapati' bata'nyo kabai tomonsi' sapatau bata'nyo i ahop nu sabatan nu Kemah nu Tumpu lantas obee'mo hi imam.

IMAMAT 15:29

Toka i sinaa ko ialunnyo ia tionyo ahi' momboamo ohua' na tomonsi' malapati' bata'nyo kabai tomonsi' sapatau bata'nyo hi imam i ahop nu sabatan nu Kemah nu Tumpu.

NOMBILANGMO 6:10

I sinaa ko ialunnyo ia tionyo ahi' momboamo ohua' na tomonsi' mapalati' kabai tomonsi' sapatau hi imam i sabatan nu Kemah nu Tumpu.

LUKAS 2:22

Tinokamo na tempo'nyo i Yusuf ka' i Maria nompojalanmo adat da oposusi' susumo atulan i Musa. Jadi binoa nu aha na Anak aijo' i Yerusalem da obee' hi Tumpu.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.