IMAMAT 11:44 - KITAB NU TUMPU ALLA LELE MA'IMAI'

⁴⁴ Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 11:44 ပူးပေါင်းရင်းမြစ်များ

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

NOSABATMO 16:12

“I hongong-Ku mo na mian nu Israel nososon. Poto'i hi aha de mamalomo aha mongkaanmo ponoha' ka' de daagi' subu aha mongkaanmo roti sampe mobosu. Sahingga nusumbu'je nu aha taalu' Akumo na Tumpu, Tumpu Allah nu aha.”

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

NOSABATMO 19:6

ola posi Aku na tumpunyo ka' belemiu mombaumo apaa na anu Ku palentahkon salaku to ima-imam.”

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 22:30

ka' suele sapi' ka' domba lakinyo anu momona inganakakon. Pobee' pe'e na binatang haha aijo' mojajalan tiba tinanyo pitun sinaa na kopinnyo lantas bee'mo mae hi beleng-Ku i sinaa ko ialunnyomo.

NOSABATMO 22:31

Belemiu mian anu pinalesayamo hi beleng-Ku, kalana aijo' mau mule' binatang apaa na anu nu sa'u nu sangko binatangnyo, madi' timbali okaan nu belemiu na antoknyo; bee'mo na aijo' hi to dede-dedeng.”

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YESAYA 51:15

Kalana Akumo na Tumpu nu beleyum, anu nongkembongmo ambai sahingga bokonnyo nombuhokmo. Anu Daka' na Kuasanyo aijo'mo sanggong-Ku.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

IMAMAT 11:43

Boli mohumimi'i butong nu belemiu kalana mongkaanmo binatang anu mahumimi' aijo'.

IMAMAT 18:2

da mompotoka palentah aiya hi bansa Israel, “Akumo na Tumpu Allah nu belemiu.

IMAMAT 19:10

Bolimo mompinsusule'i ale' nu anggur nu belemiu kahanda' molimu' bua' nu anggur anu tinontuha' salatan belemiu nontampu'unimo nompadak bua'nyo. Ka' mule' bua'nyo anu manabu'mo bolimo o ala nu belemiu. Bakasmo na aijo' baumo bagi nu to mia-mian kasiasi ka' mian anu lengkat mae i salipu'an. Akumo na Tumpu Allah nu belemiu.

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

IMAMAT 20:7

O inau' da belemiu tataap susi', kalana Akumo na Tumpu Allah nu belemiu.

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

AMOS 3:3

Ugaat ua'aha na mian mamba hingga-hinggat madi' pe'e basale' momona?

NOMBILANGMO 15:40

Jambu-jambunyo aijo' na mompotuka' hi belemiu da montuluti palentang-Ku iwi-iwi', sahingga belemiu totu-totu'u anung-Ku'mo.

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

YOSUA 24:19

Lantas i Yosua notataemo, “Panyo belemiu kugantang madi' moko ala palesaya ka' mohongo-hongo Tumpu, kalana Ia Tumpu Allah anu susi'. Anu Ola Sa'a-sa'angu'nyomo. Ia madi' mongka'oho' ko anu mongkakanai. De belemiu mompala'imo Ia ka' palesayamo ka' mohongo-hongomo hi to pilo-pilogot sangga'at, Ia madi'mo mongampuni dosa' nu belemiu. Panyo ola ahi', Ia mongewamo ka' mohukum belemiu. Ia mompateimo belemiu, maumo naipuan mae Ia nanonongmo hi belemiu.”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

ANU PINOTO'I HI YOHANES 22:11

Mian anu ma'idek, bakasmo da saja' mombau anu ma'idek; mian anu mahenyu, bakasmo da mahenyu na butongnyo; mian anu mombatuki pongka'oho' nu Tumpu, bakasmo da saja' mombatuki pongka'oho' nu Tumpu, ka' mian anu tumuu' samata-mata hi Tumpu, bakasmo da saja' tumuu' hi Tumpu.”

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.

1 SAMUEL 6:20

Lantas aha mian nu Bet-Semes notataemo, “Ihe na moko ala tuminjo i ahop nu Tumpu, Tumpu Allah Anu Susi' aijo'? Iya na pomboan Peti' aijo' da majo'on lengkat hi kita?”