IMAMAT 10:9 - KITAB NU TUMPU ALLA LELE MA'IMAI'

⁹ “Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

IMAMAT 10:9 ပူးပေါင်းရင်းမြစ်များ

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

AMSAL 20:1

Inumon anu moko palangu mombau mian madi'mo mingadat ka' lewa'mo hengge'. Ponga' ahi' na mian anu monginum sampemo malangu.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

YEHEZKIEL 44:21

Aha madi' timbali monginum anggur de kahanda'mo minsoop ipopasan anu i unonyo.

HOSEA 4:11

Tumpu notataemo, “O mian-Ku anu palesayamo, mau anggur anu pininmo, mau anggur anu salaje nongalinimo kamampuan bapikin ihan anu ma'ima'.

IMAMAT 10:8

Tumpu notataemo hi Harun,

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

NOMBILANGMO 6:20

Lantas imam tionyo ahi' montajuakon kaanon aijo' salaku anu obee' samata-mata opadonakon hi Tumpu; aijo' bagian anu susi anu baumo bagi nu imam. Lapas aijo' atina'je ka' mian anu binalaniatmo aijo' timbalimo monginum anggur.

NOMBILANGMO 6:3

madi' timbali monginum anggur ka' inumon anu molangui. Ia madi' timbali monginum mau mule' pa' apaa na inumon anu molangui anu bua' nu anggur na binau kabai bua' nu kau' sangga'at. Ia madi' timbali mongkaan bua' nu anggur anu mahamo ka' daagi' ma'ima' kabai anu nanggasmo, kabai maumo pa' apaa anu ingala mae i kau' anggur; batunyo kabai pe'e londiknyo madi' timbali ia mongkaan.

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 3:8

Pabantun nu jama'at tionyo ahi' suele mian anu ma'ima' ka' madi' tageo' na kinyonyoanyo; madi' mompopodaka' doi, ka' madi' talalo mongka'ima'i monginum anggur manjoo'.

1 TIMOTIUS 5:23

Boli ola monginum uee, o'inum sangkiding na anggur suele da bau pontulungi mompohansun kaanon i kompong miu kalana beleyum toto minsan masakit.

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.