Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.
Boli opala'i na Kemah nu Tumpu da belemiu boli silaka, kalana belemiu binalakatanmo nompake lanya' anu opa-opake mombalakati da mombau anu nupalentahkon nu Tumpu.” Aha nombaumo susumo apaa na anu tinaloakonmo i Musa.
“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.
