IMAMAT 10:3 - KITAB NU TUMPU ALLA LELE MA'IMAI'

³ Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

IMAMAT 10:3 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 148:14

Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 39:10

Aku nomohokotmo ka' madi'mo nombuka nganga'ku kalana Belento ahi' na nondoke mae aku.

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

MAZMUR 93:5

O, Tumpu, atulan nu Belento tataap opake sampe toka sidu-sidutu', Laigan nu Belento sabole-boleh susi' sampe toka sidu-sidutu'.

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 19:22

Ka' mule' to ima-imam anu mongka'oho' mongohani Aku, tionyo ahi' momposusi' butongnyo, de madi' aha Ku hukumo.”

NOSABATMO 19:24

Tinaaman nu Tumpu, “Pintatau'mo, ka' po'ule 'minsusule' mae i aiya tiba i Harun. Panyo to ima-imam ka' layat madi' timbali so' molanggai tempas de aha mamba mae hi beleng-Ku. De aha so' mae molanggai, aha Ku hukumo.”

NOSABATMO 30:30

Osapui lanya' na i Harun ka' to ana-anaknyo da aha obalakatimo timbali imam anu mombau apaa na Ku palentahkon.

YESAYA 39:8

Tinaaman i Tomundo' Hizkia, “Ma'ima' mule' ahi' na potuunon nu Tumpu anu pinoto'imo mae nu beleyum atina' hi belengku.” Ia nontaami sumo aijo' kalana tinutugannyo, “Asan kalaja'anku tataap madi' ko anu mompoposia ka' mule' saja' kokadamean hau-haunyo aku daagi' tutuu'.”

YESAYA 49:3

Pinoto'i-Nyo hi belengku, “Beleyumo na posaihon-Ku; Aku saidi' mae oholomati kalana beleyum.”

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YEHEZKIEL 20:41

Salatan belemiu Ku boamo mosabat lengkat mae i songko-songko na lipu' itampat pipinongga'a-ga'atakonanmo belemiu, Aku po ule'mo momposihuk belemiu ka' montalimamo iwi-iwi na koloban anu opotunu nu belemiu. Sahingga songko-songko na bansa monsumbu'je taalu' Akumo ahi aiya na Tumpu Anu Susi' hondo.

YEHEZKIEL 28:22

Poto'i hi aha anu jojoong ikiijo' taalu' Aku Tumpu Anu Matangkas na Kuasanyo notataemo hi aha, ‘Aku aiya sampobali' nu belemiu, o Sidon. Aha to mia-mian mompuji'mo Aku kalana palabuatan-Ku hi beleyum. Salatan Aku mohukumo mian anu jojoong atina' hi beleyum nu sumbu'je nu aha taalu' Akumo ahi' na Tumpu anu susi'.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

YEHEZKIEL 40:46

ka' mule' laigan anu mongahopi utara pinosadia da bau kajojoongan nu to ima-imam anu mokalaja imezbah. Iwi-iwi' na imam haha aijo' tionyo ahi' lee' i Zadok. Kalana hi tulunan mae nu bansa Lewi ola hi lee' i Zadok na timbali mangadap hi Tumpu mombau apaa na anu Nu palentahkon monsombah Ia.

YEHEZKIEL 42:13

Mo'ane aijo' notataemo mae hi belengku, “Ohu-ohua' na laigan aijo' susi'. Ikiijo'mo na to ima-imam anu timbali mangadap hi ahop nu Tumpu, mongkan koloban anu susi' hondo. Ikiijo'mo ahi' na pompo'una'an nu aha koloban anu susi' hondo, aijo'mo: koloban gandum tiba koloban pohapusi dosa' kabai koloban pombolosi lugi'.

IMAMAT 21:15

De ia molanggaimo atulan aijo', saba' to ana-anaknyo anu sabenanyo ahi' susi' timbalimo mahumimi'. Akumo na Tumpu ka' Aku nompile'imo ia da samata-mata bau Imam Daka'.”

IMAMAT 21:17

da mompoto'i aiya hi Harun, “Samian na lee' nu beleyum anu madi' mahoson na butongnyo madi' timbali monsombahkon koloban kaanon hi beleng-Ku. Aijo' saja' obau sampe toka sidu-sidutu'.

IMAMAT 21:21

Batu-batu lee' i Imam Harun anu madi' mahoson na butongnyo madi' timbali monsombahkon koloban kaanon hi beleng-Ku.

IMAMAT 21:6

Ia samata-matamo anung-Ku ka' mombau anu Ku palentahkon ka' madi'mo timbali mombusiki sanggong-Ku. Ia monsombahkon koloban kaanon hi beleng-Ku, jadi ia tionyo ahi' susi'.

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

IMAMAT 22:9

Iwi-iwi' na imam tionyo ahi' montuluti atulan haha aiya anu binee'-Kumo. De madi', aha sala'mo ka' matemo kalana molanggaimo atulan haha aijo' anu susi'. Akumo na Tumpu, ka' Akumo na nontantukan aha da samata-mata mombau anu Ku palentahkon.

IMAMAT 8:35

Pitun sinaa na kopinnyo sinaa ka' pihi, belemiu tionyo ahi' sabole-bole jojoong i ahop nu sabatan nu Kemah mombau apaa na anu pinalentahkonmo nu Tumpu. De belemiu madi' mombau, belemiu matemo. Aijo'mo na pinalentahkon nu Tumpu hi belengku.”

NOMBILANGMO 16:5

Lantas ia notataemo hi Korah ka' anu monsangaja'imo ia, “Dodop daagi' subu Tumpu mompotoamo hi kita ihe na anu jinadimo anu-Nyo ka' ihe na anu samata-mata mombau kapalaluan-Nyo. Mian anu pinile'an-Nyomo atina' na anu nupobee' mongohani Ia.

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

YOHANES 12:28

Tuuma popodaka' na sanggon-To!” Lantas i hongo na potatae lengkat i langit nontaloakon, “Pinopodaka'-Kumo, na sanggo-Nyo ka' po'ule'je Ku popodaka' na Ia.”

YOHANES 14:13

Ka' mau mule' pa' apaa na o poita miu de momboa sanggong-Ku, aijo' tionyo Kubee' bau bagi nu belemiu, da kalana anak, Tuuma opopodaka'.

PO'ULE' INGULIT 32:51

Belemiu ohu-ohua' madi' mohongo-hongo Aku ka' madi' mongadati Aku, i ahop nu bansa Israel, tempo'nyo belemiu kiijo' mae i mata nu uee Meriba, koko kota Kades, i padang bola Zin.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”

1 SAMUEL 6:20

Lantas aha mian nu Bet-Semes notataemo, “Ihe na moko ala tuminjo i ahop nu Tumpu, Tumpu Allah Anu Susi' aijo'? Iya na pomboan Peti' aijo' da majo'on lengkat hi kita?”