IMAMAT 10:2 - KITAB NU TUMPU ALLA LELE MA'IMAI'

² Sahingga Tumpu nontau'akonmo mae apu anu nontoyo'imo aha sahingga i natemo i Kemah nu Tumpu.

IMAMAT 10:2 ပူးပေါင်းရင်းမြစ်များ

2 SAMUEL 6:7

Sahingga Tumpu pinusamo hi Uza, kalana apaa na anu binaunyomo sumomo nongambangimo Tumpu. I Uza pinatean-Nyomo itampat aijo' koko Peti' Palajanjian.

1 TOMU-TOMUNDO' 13:28

Tinokannyo na bangke' nu nabi anu lengkat mae i Yehuda aijo' daagi' banda-bandang i jalan tiba keledainyo ka' singa koko hi ia. Singa aijo' madi' nonsa'u keledai aijo' ka' mule' madi' nongkaan bangke' aijo'.

1 TOMU-TOMUNDO' 18:38

Lantas tinudunakonmo mae nu Tumpu na apu lengkat mae i langit ka'nompapuimo sahingga notoyo'mo na koloban aijo' tiba kau'nyo tiba batunyo haha aijo' ka' tano'nyo ka' kinaannyomo suele na uee aijo' sampe no'oti na uee aijo' i sepe'nyo.

2 TOMU-TOMUNDO' 1:10

Tinaaman i Elia, “De aku aiya memang posaihon nu Tumpu Allah,” “apu lengkat mae i langit mompapuimo beleyum ka' iwi-iwi' na suludadu nu beleyum!” Tempo'nyo aitu mule' apu lengkat mae hi Tumpu Allah nompapuimo suludadu anu matangkas na pangkatnyo aijo' ka' limampulu' na mian sangko suludadunyo aijo'.

2 TOMU-TOMUNDO' 1:12

Tinaaman i Elia, “De aku aiya memang posaihon nu Tumpu Allah,” apu lengkat mae i langit mompapuimo beleyum tempo'nyo aitu mule' apu lengkat mae hi Tumpu Allah nompapuimo suludadu anu matangkas na pangkatnyo aijo' ka' limampulu' na mian sangko suludadunyo aijo'.

1 TAWARIKH 13:10

Panyo baloomo tinambuha'an nu Tumpu na i Uza, kalana apaa na anu binaunyomo aijo' sumomo ia nongambangimo Tumpu. Lantas i Uza pinatean-Nyomo i kiijo', sahingga mulai tempo' aitu tampat aijo' sinanggohanmo “Peres-Uza”. I Daud pinusamo kalana Tumpu nompateimo i Uza.

1 TAWARIKH 15:13

Tempo'nyo Peti' aijo' palatamanyo i lalin, belemiu madi' ko anu i kiijo' da nomboa. Kalana aijo' Tumpu Allah-nto nohukummo kita kalana monsombah ia panyo madi' mombatuki pongka'oho'nyo.”

AYUB 1:16

Daagi' hau-haunyo ia motatae, tinokamo mae mule' na posaihon anu ko ohua'nyo nompoto'i, “Iwi-iwi' na domba nu Belento Tuan tiba aha anu lewa' molaya' sinosakmo nu kilat sahingga sinilakamo iwi-iwi'. Olamo aku aiya na noko ala nopalai mae da mompoto'i hi belento Tuan.”

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

NOSABATMO 24:1

Lapas aijo' Tumpu notataemo hi Musa, “Pindakomo mae mangadap hi beleng-Ku, beleyum tiba i Harun, i Nadap ka' i Abihu, ka' aha pitumpulu' na to pola-polaya' nu bansa, ka' tolodadupumo mae nonsombah Aku, atina' mae jo'o-jo'on.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

IMAMAT 10:5

Aha tinokamo ka' nomboa bangke'nyo haha aijo' panyo daagi' ahi ko baju'nyo puso-pusok, binoamo i sambiha'nyo nu Kemah susumo anu pinalentahkonmo i Musa.

IMAMAT 16:1

Salatan anak i Harun ohu-ohua' sinilakamo tempo'nyo nonsombahkon apu anu madi' kina'ima'an nu Tumpu, Tumpu notataemo hi Musa,

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

NOMBILANGMO 16:49

Anu sinilakamo tempo'nyo aitu 14.700 na mian, sambiha'nyo na aha anu sinilaka kalana noto idekmo tiba i Korah.

NOMBILANGMO 26:61

I Nadab ka' i Abihu sinilaka tempo'nyo aha nonsombahkonmo apu anu madi' kina'ima'an nu Tumpu Allah.

SISIKON NU TO RASUL-RASUL 5:10

Tempo'nyo aitu mule' bengkele' i Ananias notua' ka' i nate i ahop i Petrus. Ka' tempo'nyo to oli-olitau aitu ninsoop, aha nontoa ia natemo. Lantas sinabatakon nu aha na bengkele'nyo ka' i lamun nu aha i sohipi' nu langkai'nyo.

SISIKON NU TO RASUL-RASUL 5:5

Salatan i Ananias nohongomo potatae aijo', ia notua' lantas natemo. Iwi-iwi' mian anu nohongo mongkona apaa na anu tinimbali aijo' i nabuhukmo.

1 KORINTUS 10:11

Iwi-iwi' anu haha aijo' tinimbalimo hi aha, da bau sonto' hi to mia-mian sangga'at. Ka' iwi-iwi' aijo' tinulismo suele da timbali pompotuka' hi kita. Kalana kita tempo' uuka tumuu' i tempo'mo nu kakiamatan.

1 SAMUEL 6:19

Panyo kalana aha mian nu Bet-Semes haha aijo' nontoamo apaa na anu i unonu Peti' Palajanjian nu Tumpu, aha pitumpulu' na mian pinateanmo nu Tumpu. Sahingga mian da'isan nohangimo ka' sinusa'mo kalana Tumpu nompotokamo hi aha balaa' anu daka' hondo aijo'.