IMAMAT 10:19 - KITAB NU TUMPU ALLA LELE MA'IMAI'

¹⁹ Tinaaman i Harun, “Memang sinaa aiya aha mian Israel nonsombahkonmo koloban pongampuni dosa' ka' koloban anu opotunu na sinombahkonmo hi Tumpu. Mau mule' sumo aijo', balaa' aiya nontokaimo mae aku. De sinaa aiya aku mongkaanmo ahi' koloban bau pongampuni dosa' aijo', pa' han aijo' sanangmo na Tumpu?”

IMAMAT 10:19 ပူးပေါင်းရင်းမြစ်များ

YESAYA 1:11

Tumpu notatae, “O sangka nu belemiu Aku mongka'ima'i koloban anu saja' osombahkon nu belemiu hi beleng-Ku? Aku na'osamo nu koloban nu to domba-domba anu otunui nu belemiu, ka' lompo' nu anak nu sapi' nu belemiu. Baso' nu sapi' lakinyo domba ka' mee' madi' Ku ka'ima'i.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEREMIA 6:20

Bau apaa na kamangian anu nu boa mae nu aha hi beleng-Ku lengkat mae i Syeba, kabai santo lampa-lampa anu lengkat mae ilipu' anu majo'on? Madi' sanang na Aku montalima palasombahan nu aha. Madi' Ku ka'ima'i na koloban-koloban nu aha anu opotunu.

HOSEA 9:4

Ilipu' haha aijo' belemiu madi'mo moko ala monsombahkon anggur tiba koloban binatang salaku bau pomposanang kinyonyoa nu Tumpu. Anu okaan nu belemiu monsaduakonmo belemiu anu nongkaanmo aijo' mahumimi'mo sususmo anu okaan de mombaumo adatnyo kona hi mian anu sinilakamo ka' olamunmo. Anu okaan aijo' ola ahi' da mobosumo padahan mau ola sangkiding madi' ko anu oboa mamba I Laigan nu Tumpu da osombahkon kiijo' mae.

IMAMAT 10:20

I Musa sinanangmo na nohongo potaamnyo aijo'.

IMAMAT 9:12

Lapas aijo' i Harun nongkolotmo binatang bau koloban anu opotunu da pongampuni dosa'nyo. To ana-anak i Harun nomboamo mae baso'nyo nu binatang aijo' hi ia, lantas ia nondudu'akonmo i sulapa'nyo opa-opat nu mezbah.

IMAMAT 9:8

Lantas i Harun nambamo i mezbah ka' nongkolotmo sapi' lakinyo anu okolobanakon bau pongampuni dosa'nyo.

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

MALEAKHI 1:13

Belemiu notatae, ‘Na osamo na kita nu han aijo' iwi-iwi'’, ka' mule' belemiu madi'mo nompajuli Aku. Belemiu nomboamo mae binatang anu tinomang, binatang anu pengko' madi'mo moko ala lumajang kabai anu masakit aijo'mo na sinombahkon mae hi beleng-Ku. Ugaat koonyo nu belemiu Ku ala na palasombahan nu belemiu aijo'?

MALEAKHI 2:13

Ka' mule' daagi aiya na palabuatan sangga'at nu belemiu. Mezbah nu Tumpu i ngueeanmo nu belemiu nu lolu' nu mata; belemiu ihumangmo ka' tinumando'mo kalana Tumpu madi'mo daagi' nonsitujui nontalima iwi-iwi na koloban nu belemiu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 26:14

Palasombahan aijo' mau ola sangkiding madi' ko anu kinaanku mau tempo'nyo aku susa' kalana ko anu sinilaka, kabai binoangku i sambiha'nyo nu laigan tempo'nyo aku hau-haunyo nahumimi'mo kabai binee'kumo salaku kaanon hi mian anu sinilakamo. Aku tinulu-tulutanmo hi belento o Tumpu; iwi-iwi' na anu pinalentahkonmo nu belento, binaungkumo.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

IBRANI 7:27

Ia madi' sumo to ima-imam daka' sangga'at, anu toka sansina-sinaa tionyo monsombahkon koloban kalana posi dosa'nyo iwi-iwi', lapas aijo' atina'je ka' kalana to dosa-dosa' nu mian anu palesayamo. I Yesus nonsombahkon koloban ola ninsan panyo tinanggungnyomo sampe toka sidu-sidutu', tempo'nyo Ia nonsombahkonmo posi butong-Nyo salaku bau koloban.

IBRANI 9:8

Tiba atulan anu sumo aijo', Roh nu Tumpu mompotiju'mo totu-totu'u, saba' de daagi' sabole-bole kemah anu i sasu ahop aijo' opotinjo, jalan minsoop i uno nu Salipi' anu Susi' hondo aijo' ma'isa tabuka'.