IMAMAT 10:14 - KITAB NU TUMPU ALLA LELE MA'IMAI'

¹⁴ Panyo beleyum tiba to ana-anak nu beleyum anu to momo'ane ka' to bou-boune timbali mongkaan saha'annyo anu binoamo sinombahkon ka' pa'anyo anu sinombahkonmo samata-mata baumo anu nu Tumpu. Aijo'mo na bahagian nu to ima-imam o'ala i koloban anu bau pompodame bansa Israel. Belemiu timbali mongkaan iyayamo na tampat anu madi' mahumimi'.

IMAMAT 10:14 ပူးပေါင်းရင်းမြစ်များ

NOSABATMO 29:33

Tionyo ahi' nukaan nu aha na kaanon anu kinolobanakonmo bau pongampuni dosa' tempo'nyo nombalakati. Ola imam na timbali mongkaan kaanon anu binee'mo samata-mata bau baging-Ku aijo'.

YEHEZKIEL 42:13

Mo'ane aijo' notataemo mae hi belengku, “Ohu-ohua' na laigan aijo' susi'. Ikiijo'mo na to ima-imam anu timbali mangadap hi ahop nu Tumpu, mongkan koloban anu susi' hondo. Ikiijo'mo ahi' na pompo'una'an nu aha koloban anu susi' hondo, aijo'mo: koloban gandum tiba koloban pohapusi dosa' kabai koloban pombolosi lugi'.

IMAMAT 10:13

Roti aijo' tionyo ahi' okaan i tampat anu susi' kalana ingala lengkat i kaanon anu sinombahkonmo hi Tumpu, roti aijo' timbalimo bau bagi nu belemiu ka' to ana-anak nu beleyum anu to momo'ane. Aijo'mo na palentah nu Tumpu hi belengku.

IMAMAT 22:13

Panyo anak boune nu imam anu binalumo kabai anu gina'atakonmo panyo madi' kino anak lantas ninsusule'mo i laigan nu tuumanyo ka' timbalimo tanggungannyo, timbalimo mongkaan bahagian nu tuumanyo. Ola posi aha sa'anakan i imam na timbali mongkaan anu sinombahkon aijo'.

IMAMAT 9:21

Saha'annyo ka' pa'anyo koanan nu binatang aijo' nu sombahkonmo salaku palasombahan anu oboa hi Tumpu. Aijo' baumo bagi nu to ima-imam susumo anu pinalentahkonmo i Musa.

NOMBILANGMO 18:11

Iwi-iwi' na palasombahan sangga'at anu samata-mata nusombahkon nu aha mian Israel hi beleng-Ku, belemiu na tumpunyo. Ku bee'mo hi belemiu tiba hi to ana-anak nu belemiu, anu to momo'ane ka' to bou-boune. Atulan aijo' opake sampe toka sidu-sidutu'. Batu-batu mian anu i auan nu belemiu anu madi' mahumimi' timbali mongkaan.

NOMBILANGMO 5:9

Maumo pa' apaa na anu nu sombahkon nu aha mian Israel hi Tumpu, palasombahan aijo' memang baumo bagi nu imam anu nontalima apaa na anu sinombahkonmo aijo'.

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.