IMAMAT 10:11 - KITAB NU TUMPU ALLA LELE MA'IMAI'

¹¹ Iwi-iwi' na atulan anu Ku bee' hi belemiu anu nupotoka i Musa, tionyo ahi' belemiu moko ala mongajanakon hi bansa Israel.”

IMAMAT 10:11 ပူးပေါင်းရင်းမြစ်များ

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

2 TAWARIKH 17:9

Aha namba noyaya nomboamo kitab Atula nu Tumpu nu aha, binoa i iwi-iwi' na kota i da'erah Yehuda ka' nompogulu'mo mian da'isan kiijo' mae.

2 TAWARIKH 30:22

To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

NEHEMIA 8:2

Lantas binoamo i Ezra na kitab aijo' i ahop nu mian anu sinilimu'mo, aijo'mo to momo'ane, to boboune ka' to ana-anak anu tu'amo ka' anu sinsumbu'mo.

NEHEMIA 8:8

Aha nompoto'imo alati'nyo nu Atulan nu Tumpu Allah aijo' toto sa'angu' na bahagiannyo ka' nompojelas mule' poso'nyo sahingga mian da'isan nangalati'mo apaa na anu binasa'mo aijo'.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

PO'ULE' INGULIT 17:10

Ahaje na mombee'i kaputusan ka' belemiu tionyo ahi' montuluti ima-ima' apaa na anu nupoto'i nu aha hi belemiu.

PO'ULE' INGULIT 17:11

Otalima na kaputusan nu aha ka' obau apaa na anu pinoto'imo nu aha, maumo han anu ola toto ise-ise'.

PO'ULE' INGULIT 24:8

De daagi' ko panyakit kilit anu monsilakai, bau ima-ima' apaa na anu pinalentahkonmo nu to ima-imam Lewi hi belemiu; obatuki na pokinde' iwi-iwi' anu binee'kumo hi aha.

PO'ULE' INGULIT 33:10

Aha nompotinganmo mian anu pinalesayamo hi Belento da sabole-bole montuluti iwi-iwi' na palentah nu Belento ka' nonsombahkonmo koloban i mezbah nu Belento.

1 TESALONIKA 4:2

Kalana komiu nonsumbu'mo pompotiju' anu binee'mo mami hi komiu kalana kuasa nu Tumpu Yesus.