IMAMAT 10:1 - KITAB NU TUMPU ALLA LELE MA'IMAI'

¹ Daagi' kino sansinaan i Nadab ka' i Abihu, to ana-anak i Harun, nongalamo tampat pombauan nu aha apu toto samian ka' ingisianmo nu aha nu oba. Lantas inguna'anmo nu aha kamangian na apu aijo' ka' nonsombahkonmo hi Tumpu. Panyo apu aijo' anu madi' halala' kalana Tumpu madi' nompokau aha monsombahkon.

IMAMAT 10:1 ပူးပေါင်းရင်းမြစ်များ

1 TOMU-TOMUNDO' 18:38

Lantas tinudunakonmo mae nu Tumpu na apu lengkat mae i langit ka'nompapuimo sahingga notoyo'mo na koloban aijo' tiba kau'nyo tiba batunyo haha aijo' ka' tano'nyo ka' kinaannyomo suele na uee aijo' sampe no'oti na uee aijo' i sepe'nyo.

MAZMUR 141:2

Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

NOSABATMO 24:1

Lapas aijo' Tumpu notataemo hi Musa, “Pindakomo mae mangadap hi beleng-Ku, beleyum tiba i Harun, i Nadap ka' i Abihu, ka' aha pitumpulu' na to pola-polaya' nu bansa, ka' tolodadupumo mae nonsombah Aku, atina' mae jo'o-jo'on.

NOSABATMO 24:9

Lapas aijo' i Musa, i Harun, i Nadab, i Abihu, ka' aha pitumpulu' na to pola-polaya' haha aijo' nindakomo i bungkutnyo,

NOSABATMO 27:3

Bau na to pamu-pamutu', sasahuk, to mangko-mangko', to soba-sobang ka' pomposulian apu. Iwi-iwi' na talakonan haha aijo' tionyo ahi' tambaga na obau.

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOSABATMO 31:11

lanya' anu opake de mokalajamo ka' kamangian anu ponohongi Salipi' Susi'. Iwi-iwi' aijo' tionyo ahi' nubau nu aha pokakana susumo apaa na anu pinotiju'-Kumo hi aha.”

NOSABATMO 37:29

I Bezaleel suele nombaumo lanya' anu opake monsombah Tumpu tiba kamangian anu madi' ko galo'nyo ka' manohong hondo opogalo' sumo lanya' anu manohong hondo.

NOSABATMO 38:3

Binaunyo suele na to pamu-pamutu', sikop, to mangko-mangko', to soba-sobang ka' pomposunan apu. Iwi-iwi' na talakonannyo aijo' tambaga na obau.

NOSABATMO 40:27

lantas pinapuannyomo na kamangian anu manohong susumo anu pinalentahkonmo nu Tumpu hi Musa.

NOSABATMO 6:23

I Korah kino anak aha totolu' na mo'ane: I Asir, i Elkana ka' i Abiasaf. Aha aijo'mo na mompolee' mae nu aha sa'anakan i Korah.

NOSABATMO 8:27

Kami tionyo ahi' mamba i padang bolaa anu kojo'onnyo tolun sinaa na molajangi mamba monsombahkon koloban hi Tumpu Allah mami, susumo anu pinalentahkon-Nyomo hi kami.”

YEREMIA 19:5

Ahanombauimo Baal mezbah da bau ponsombahkonan to ana-anak nu aha salaku koloban anu opotunu, padahan Aku madi' ahi' toho' nompalentah aha mombau han anu sumo aijo', pakalaus madi' ahi' toho' sininsumbu' i uno nu pikilan-Ku na tanga'an anu sumo aijo'.

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YEREMIA 44:15

Lantas nambamo mae hi belengku manjoo' hondo na mian, aijo'mo iwi-iwi' na to momo'ane anu nonsumbu'mo taalu' bengkele'nyo nonsombahkonmo koloban hi pilogot, ka' iwi-iwi' na to bou-boune anu tinjo-tinjo ikiijo' tibamo mian nu Israel anu jojoong i Patros, bahagian sasu salatan Mesir. Aha nompoto'imo mae hi belengku,

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

IMAMAT 16:1

Salatan anak i Harun ohu-ohua' sinilakamo tempo'nyo nonsombahkon apu anu madi' kina'ima'an nu Tumpu, Tumpu notataemo hi Musa,

IMAMAT 16:12

ia tionyo ahi' mongalamo tampat nu apu anu aijo' i mezbah ka' o isimo buke-buke' nu oba nu apu ka' uangkakup na kamangian anu nahutemo lantas oboamo i Salipi' anu Susi' hondo.

IMAMAT 22:9

Iwi-iwi' na imam tionyo ahi' montuluti atulan haha aiya anu binee'-Kumo. De madi', aha sala'mo ka' matemo kalana molanggaimo atulan haha aijo' anu susi'. Akumo na Tumpu, ka' Akumo na nontantukan aha da samata-mata mombau anu Ku palentahkon.

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

NOMBILANGMO 16:46

lantas i Musa notataemo hi Harun, “Ala na tampat nu apu nu beleyum ka' isimo nu oba nu apu anu o ala aijo' i mezbah ka' opo'una'i kamangian. Boa lia-lia' aijo' hi aha mian ka' baumo na atulannyo da bau pongampuni dosa' nu aha. Lia-lia'! Tumpu talalomo hondo pinusa, ka' panyakit anu molele nontampu'unimo.”

NOMBILANGMO 26:61

I Nadab ka' i Abihu sinilaka tempo'nyo aha nonsombahkonmo apu anu madi' kina'ima'an nu Tumpu Allah.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 17:3

tiba palentah-Nyo kalana nonsombahmo ka' pinalesayamo hi to pilo-pilogot sangga'at kabai hi batu nu sinaa, bitu'on kabai to manda-mandala',

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.