IMAMAT 1:4 - KITAB NU TUMPU ALLA LELE MA'IMAI'

⁴ Lantas ia tionyo ahi' mompotiik limanyo i ubak nu binatang aijo', sahingga anu sinombahkonnyo aijo' nutalimamo nu Tumpu bau pongampuni dosa'nyo.

IMAMAT 1:4 ပူးပေါင်းရင်းမြစ်များ

NOSABATMO 28:38

Bunga-bunganyo mosoni' aijo' tionyo ahi' nupusok i Harun i siakannyo da Aku, Tumpu, montalima iwi-iwi' na anu osombahkon, anu nuboa mae nu mian Israel hi beleng-Ku, mau mule' aha anu momboa mae anu osombahkon aijo' nombaumo kasala'an.

NOSABATMO 29:10

Lapas aijo' sapi' lakinyo aijo' tionyo ahi' nuboamo i ahop nu Kemah-Ku. I Harun ka' to ana-anaknyo tionyo ahi' mompotik lima nu aha i ubak nu binatang aijo'.

NOSABATMO 29:15

Lapas aijo' ala sala'sa'angu' na domba lakinyo aijo'. I Harun ka' to ana-anaknyo tionyo ahi' mompotik lima nu aha i ubak nu binatang aijo'.

NOSABATMO 29:19

Ala mule' na domba lakinyo sa'angu' aijo'mo domba anu opake mombalakati. Pokau na i Harun ka' to ana-anaknyo mompotiik lima nu aha i ubak nu binatang aijo'.

NOSABATMO 29:33

Tionyo ahi' nukaan nu aha na kaanon anu kinolobanakonmo bau pongampuni dosa' tempo'nyo nombalakati. Ola imam na timbali mongkaan kaanon anu binee'mo samata-mata bau baging-Ku aijo'.

YESAYA 56:7

“Belemiu Ku boamo mamba i Sion i bungkutnyo anu susi' anu Aku na tumpunyo ka' Ku bee'imo kalame'an i laigan-Ku ponso-ponsoban Aku. Koloban iwi-iwi' anu osombahkon nu belemiu i mezbah-ngKu, Ku talimamo. Laiganku osanggohimo laigan balado'an nu iwi-iwi' na bansa.”

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 16:21

Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 16:24

Lantas ia tionyo ahi' mindi'mo i sa'angu' na tampat anu samata-mata tinantukanmo bau pindi'annyo ka' mompusokmo posi baju'nyo ahi'. Lapas aijo' tionyo ahi' ia mosabatmo ka' monsombahkon koloban anu opotunu bau pongampuni dosa'nyo ka' dosa' nu bansa Israel.

IMAMAT 22:21

De ko samian anu monsombahkon hi Tumpu koloban anu bau pompodame da pombayan anu jinanji'nyomo kabai koloban anu lengkat i kasanangan nu kinyonyoa, binatang aijo' madi' timbali anu ko panyakitnyo da timbali Nu talima.

IMAMAT 3:13

Ikiijo' ia tionyo ahi' mompotiik limanyo i ubak nu mee' aijo' lantas o kolot i ahop nu Kemah. Imam tionyo ahi' mondudu'akon baso' nu binatang aijo' i opa-opat na sulapa'nyo nu mezbah.

IMAMAT 3:2

Mian anu monsombahkon aijo' tionyo ahi' mompotiik limanyo i ubak nu binatang aijo' lantas o kolot i ahop nu sabatan nu Kemah nu Tumpu. To ima-imam lee' i Harun tionyo ahi' mondudu'akon baso' nu sapi' aijo' i sulapa'nyo opa-opat nu mezbah aijo'.

IMAMAT 3:8

Ikiijo' ia tionyo ahi' mompotiik limanyo i ubak nu domba aijo' lantas o kolot i ahop nu Kemah. Lantas imam tionyo ahi' mondudu'akon baso' nu domba aijo' i opa-opat na sulapa'nyo nu mezbah.

IMAMAT 4:15

To pola-polaya' nu bansa tionyo ahi' mompotiik lima nu aha i ubak nu binatang aijo' lantas o kolotmo i tampat aijo'.

IMAMAT 4:20

Mombau anu susumo aijo', sumomo mombau anu osombahkon na sapi' lakinyo bau koloban pongampuni dosa'. Sumo aijo' na Imam Daka' monsombahkon koloban anu bau pontobus to dosa-dosa' nu mian hi Tumpu, sahingga dosa' haha aijo' nu ampunimo nu Tumpu.

IMAMAT 4:24

Ia tionyo ahi' mompotiik limanyo i ubak nu binatang aijo' lantas o kolot i sasu utara nu mezbah, tampat pongkolotan binatang koloban anu opotunu.

IMAMAT 4:26

Lapas aijo' iwi-iwi' na lompo'nyo nu binatang aijo' tionyo ahi' opotunu i mezbah, susumo koloban anu bau pompodame. Sumo aijo' na Imam monsombahkon koloban pontobus dosa' nu samian anu montoongi kakuasa'an, sahingga mian aijo' nu ampunimo nu Tumpu.

IMAMAT 4:29

Ia tionyo ahi' mompotiik limanyo i ubak nu binatang aijo', lantas o kolot i sasu utara nu mezbah tampat pongkolotan binatang koloban anu opotunu.

IMAMAT 4:31

Iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' nupotunu nu imam i mezbah, da hongohisnyo momposanang kinyonyoa nu Tumpu. Sumo aijo' na Imam monsombahkon koloban pontobus dosa' nu samian na layat sahingga mian aijo' nu ampunimo nu Tumpu.

IMAMAT 4:33

Ia tionyo ahi' mompotiik limanyo i ubak nu binatang aijo', lantas o kolot i sasu utara nu mezbah tampat pongkolotan binatang koloban anu opotunu.

IMAMAT 4:35

Lapas aijo' iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' opotunu i mezbah, hingga-hinggat tiba koloban kaanon anu osombahkon hi Tumpu. Sumo aijo' na imam monsombahkon koloban bau pontobus dosa' nu mian aijo', sahingga ia nu ampunimo nu Tumpu.

IMAMAT 4:4

Sapi' aijo' tionyo ahi' nuboa i sabatan nu Kemah nu Tumpu. Imam Daka' tionyo ahi' mompotiik limanyo i ubak nu binatang aijo', lantas o kolot i ahop nu Kemah.

IMAMAT 5:6

Ka' bau pontobus dosa'nyo, ia tionyo ahi' momboa sa'angu' na domba kabai mee' behenyo osombahkon hi Tumpu. Imam tionyo ahi' monsombahkon koloban aijo' da dosa' nu mian aijo' o ampuni.

IMAMAT 6:7

Imam mongkolobanakon bau pontobus dosa' nu mian aijo' sahingga ia nu ampunimo nu Tumpu.

IMAMAT 8:14

Lapas aijo' i Musa nongalamo sa'angu' na sapi' lakinyo anu daagi' bata'nyo bau koloban pongampuni dosa'. I Harun tiba to ana-anaknyo nompotiikmo lima nu aha i ubak nu binatang aijo'.

IMAMAT 8:18

Lapas aijo' i Musa nongalamo domba lakinyo bau koloban anu opotunu, lantas i Harun tiba to ana-anaknyo nompotiikmo lima nu aha i ubak nu domba aijo'.

IMAMAT 8:22

Lantas i Musa po'ule' mule' nongala domba lakinyo sa'angu' bau koloban mombalakati imam. I Harun tiba to ana-anaknyo nompotiikmo lima nu aha i ubak nu domba aijo',

IMAMAT 9:7

Lapas aijo' ia notataemo hi Harun, “Lako'mo i mezbah ka' toukaimo na koloban bau pongampuni dosa' ka' koloban anu opotunu, da dosa' nu beleyum ka' dosa' nu mian nu ampunimo nu Tumpu. Bau na aijo' susumo anu pinalentahkonmo nu Tumpu.”

NOMBILANGMO 15:25

Lantas imam tionyo ahi' mombaumo atulannyo anu bau pongampuni dosa' nu aha mian. Sahingga aha o ampunimo kalana kasala'an aijo' madi' tinotonggolakon na nombau, ka' kalana aha nombaumo koloban pongampuni dosa' tiba koloban anu opotunu bau bagi nu Tumpu.

NOMBILANGMO 15:28

Imam tionyo ahi' mombau pongampuni dosa' hi ahop nu Tumpu, da mian aijo' o ampuni na dosa'nyo.

NOMBILANGMO 25:13

Ia ka' lee'nyo Ku potataapmo salaku imam sampe toka sidu-sidutu', kalana ia jinunjuhi'mo na nontinjohakon Aku, Tumpu Allah-Nyo, ka' nombaumo paladamean da madi'mo baladosa' na aha mian nu Israel.”

NOMBILANGMO 8:10

Mian tionyo ahi' mompotiik lima nu aha i ubak nu aha mian nu Lewi haha aijo'.

NOMBILANGMO 8:12

Lantas aha mian nu Lewi tionyo ahi' mompotiik lima nu aha i ubak nu sapi' lakinyo ohua-ohua' aijo'; sa'angu' tionyo ahi' osombahkon bau koloban pongampuni dosa', ka' sa'angu' mule' bau koloban anu opotunu. Tiba atulannyo anu sumo aijo' aha mian nu Lewi pinosusi'mo.

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 3:25

Tumpu nongkolobanakonmo i Yesus Kristus, da kalana Ia sinilaka aijo' mian natantumo pinobebasmo i kasala'an de aha palesaya hi Ia. Tumpu nombau sumo aijo' da mompotoa ka'adinan-Nyo. Kalana tempo' anu i hikuhakonmo Tumpu nonsabalakonmo dosa-dosa' nu mian, sahingga Ia madi' nohukum aha.

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

IBRANI 10:4

kalana memang baso' nu sapi' ka' baso' nu mee' lakinyo madi' moko ala mongalini dosa'.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.