IMAMAT 1:3 - KITAB NU TUMPU ALLA LELE MA'IMAI'

³ De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

IMAMAT 1:3 ပူးပေါင်းရင်းမြစ်များ

KAJADIAN 22:13

Lantas i Abraham nosilele' duhu-duhuk ka' nontoa sa'angu' na domba lakinyo te tanduknyo kinalekodanmo nu kandang ka' tinopipuyumo i hemput. I Abraham nongalamo domba aijo' lantas sinombahkonnyomo hi Tumpu salaku bau koloban anu opapui pombolosi anaknyo.

KAJADIAN 22:2

Tumpu Allah notatae, “Lako'mo i tano' Moria tiba i Ishak anak nu beleyum anu sa'a-sa'angu'nyomo atina', anu talalo hondo nu kalibosi. Ikiijo' mae, i sa'angu' na bungkutnyo anu Ku potiju'je hi belemiu, osombahkon na anak nu beleyum salaku bau koloban hi belengku anu opapui.”

KAJADIAN 22:8

Tinaaman i Abraham, “Posi Tumpu Allahje na montoukai anak nu domba aijo'.” Lantas ua-ua'aha i lumajangmo lau-laus.

KAJADIAN 8:20

I Nuh nombaumo sa'angu' na mezbah bau ponsombahkonan koloban hi Tumpu. Toto sangahan na tomonsi' ingalanyo sa'angu' ka' binatang sangga'at anu timbali okaan. Lantas sinombahkonnyomo salaku koloban anu opotunu i mezbah aijo'.

2 TAWARIKH 29:32

Aha nomboamo mae 70 na sapi' lakinyo, 100 na domba, ka' 200 na anak nu domba ka' nonsombahkonmo bau koloban hi Tumpu anu opotunu.

2 TAWARIKH 35:12

Batu-batu aha sangauwan anu tinoka i kiijo' nohumpak sa'angu' na binatang anu osombahkon salaku koloban anu opotunu. Tiba jalan anu sumo aijo' aha timbalimo noko ala nonsombahkon koloban ka' nombatukimo atulan anu tuli-tulis i kitab atulan i Musa.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 40:8

Lantas aku notataemo, “Aiyamo na aku, i uno nu lulunan nu kitab, tinulismo na aku.

NOSABATMO 12:5

Belemiu timbali mompile'i domba kabai mee' panyo tionyo ahi' mo'anenyo, umunnyo sataunmo ka' anu madi' ko panyakitnyo.

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

NOSABATMO 29:18

Osombahkon iwi-iwi' na domba lakinyo aijo' i mezbah, salaku koloban anu otunui. Hongohisnyo aijo' momposanangmo kinyonyoang-Ku.

NOSABATMO 29:4

Pokau na i Harun tiba to ana-anaknyo toka mae i sabatan nu Kemah-Ku ka' mompolesi butong.

NOSABATMO 29:42

Ka' mule' iwi-iwi' na tempo' anu aiya mae i ahop koloban anu opotunu aijo' tionyo ahi' osombahkon i ahop-Ku i sabatan nu Kemah-Ku. Ikiijo' Aku singkabotmo tiba mian anu pinalesayamo hi beleng-Ku ka' motataemo hi beleyum.

NOSABATMO 32:6

Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

NOSABATMO 35:21

ka' maumo pa' ihe na anu ko kinyonyoamo, momboa anu osombahkon hi Tumpu da sukupmo na talakonan nu Kemah nu Tumpu. Aha suele momboa iwi-iwi' na anu opalalui de monsombahmo ka' anu bau baju' nu imam.

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

NOSABATMO 35:5

Boa na anu osombahkon hi Tumpu. Ihe na ko indi, tionyo monsombahkon mosoni', salaka, ka' tambaga;

NOSABATMO 36:3

I Musa nombee'mo hi aha iwi-iwi' na anu i limu'mo nu aha mian Israel anu opake mokalaja mombau Kemah nu Tumpu. Panyo aha bansa Israel daagi' saja' sabole-bole momboa anu osombahkon hi Musa sansina-sinaa daagi' subu.

NOSABATMO 38:1

I Bezaleel nongalamo kau' akasia, lantas ia nombaumo mezbah aijo' sulapa' opat, ko mantannyo ka' ko bolanyo pokakana 2,2 meten ka' ko tangkasnyo 1,3 meten.

YESAYA 1:11

Tumpu notatae, “O sangka nu belemiu Aku mongka'ima'i koloban anu saja' osombahkon nu belemiu hi beleng-Ku? Aku na'osamo nu koloban nu to domba-domba anu otunui nu belemiu, ka' lompo' nu anak nu sapi' nu belemiu. Baso' nu sapi' lakinyo domba ka' mee' madi' Ku ka'ima'i.

YEHEZKIEL 20:40

Kalana itano' nu Israel anu aita' ibawo nu bungkutnyo anu susi' anu Aku na tumpunyo belemiu iwi-iwi' bansa Israel saidi' mae monsombahmo Aku. Ikiita' mae Aku sanangje hi belemiu ka' timbalimo montalima koloban-koloban nu belemiu, ka' palasombahan-palasombahan nu belemiu anu lebe ma'ima' ka' mule' iwi-iwi' na anu obee' nu belemiu anu memang pinosi po iwi'mo.

YEHEZKIEL 40:39

Idasanyo aijo' daagi' ko meja' opat, toto ohua sambiha' ka' sambiha'. Aita' imeja' haha aijo' na pongkolotan binatang anu okolobanakon opotunu kabai koloban bau pohapusi dosa' kabai koloban pombolosi kalugi'an.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 16:7

Ohu-ohua' na mee' lakinyo aijo' anu lengkat mae hi aha mian Israel tionyo ahi' nu boa i ahop nu sabatan nu Kemah nu Tumpu.

IMAMAT 17:8

De ko samian na aha Israel kabai samian anu lengkat mae i salipu'an anu tataapmo jojoong hi aha mian Israel monsombahkonmo koloban anu opotunu kabai koloban sangga'at,

IMAMAT 17:9

hi Tumpu ia tionyo ahi' monsombahkon i ahop nu Sabatan nu Kemah nu Tumpu. De ia monsombahkon i tampat sangga'at ia madi' timbali minsoop mian anu pinalesayamo hi Tumpu Allah.

IMAMAT 23:12

Toka i sinaanyo belemiu monsombahkonmo gandum aijo', belemiu suele tionyo ahi' monsombahkon koloban anu opotunu sa'angu' na anak nu domba lakinyo umunnyo sataunmo ka' madi' ko panyakitnyo.

IMAMAT 23:18

Hingga-hinggat tiba roti aijo' aha bansa Israel tionyo ahi' monsombahkon popitu' na anak nu domba anu umunnyo sataunmo, sa'angu' na sapi' lakinyo anu daagi' bata'nyo ka' ohua' na mee'. Toto sa'angu' madi' timbali ko panyakitnyo ka' tionyo ahi' osombahkon bau koloban anu opotunu bau bagi nu Tumpu, tiba koloban anu okaan ka' koloban anggur. Hongohisnyo nu koloban aijo' momposanangmo kinyonyoa nu Tumpu.

IMAMAT 3:1

De ko mian monsombahkon sa'angu' na sapi' anu okolobanakon bau pompodame, sapi' aijo' lakinyo timbali, kabai behenyo timbali, panyo anu madi' ko panyakitnyo.

IMAMAT 4:15

To pola-polaya' nu bansa tionyo ahi' mompotiik lima nu aha i ubak nu binatang aijo' lantas o kolotmo i tampat aijo'.

IMAMAT 4:23

saba' sampa malia-lia' de osumbu'mo, ia tionyo ahi' mongkolobanakon sa'angu' na mee' lakinyo anu madi' ko panyakitnyo da bau pongampuni dosa'nyo.

IMAMAT 4:3

De anu baladosa' Imam Daka', sahingga bansa Israel suele sala'mo, ia tionyo ahi' mongkolobanakon sa'angu' na sapi' lakinyo anu daagi' bata'nyo ka' anu madi' ko panyakitnyo hi Tumpu da dosa'nyo o ampuni.

IMAMAT 4:32

De ko mian mongkolobanakon sa'angu' na domba da bau pongampuni dosa'nyo, domba aijo' tionyo behenyo ka' madi' ko panyakitnyo.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 5:18

Jadi koloban bau polugi'i ia tionyo ahi' momboa sa'angu' na domba kabai mee' lakinyo anu madi' ko panyakitnyo, ka' olinyo o angga'i susumo angga'nyo anu biasa obau i Kemah nu Tumpu. Imam mongkolobanakon bau pontobus dosa' nu mian aijo', sahingga ia nu ampunimo nu Tumpu.

IMAMAT 6:2

Toto samian tionyo ahi' monsombahkon koloban de ia baladosa'mo hi Tumpu kalana madi' mongka'oho' monsule'akon balang anu pino una' hi ia nu sangalunyo, kabai nongakalimo mian, nontomangmo balang nu sangalunyo kabai i humpaknyomo na anu nolapusmo, panyo mojalo ka' binasumpa'mo.

IMAMAT 6:8

Tumpu nompokaumo i Musa,

IMAMAT 7:16

De ko mian momboa koloban bau pompodame mongganapi niatnyo, kabai bau koloban kasanangan nu kinyonyoa, madi' palalu okaan iwi-iwi' i sinaa aijo'. Labinyo timbali okaanje dodop.

IMAMAT 8:18

Lapas aijo' i Musa nongalamo domba lakinyo bau koloban anu opotunu, lantas i Harun tiba to ana-anaknyo nompotiikmo lima nu aha i ubak nu domba aijo'.

IMAMAT 9:2

Koonyo i Musa hi Harun, “Ala mae sa'angu' na sapi' lakinyo anu daagi' bata'nyo ka' sa'angu' na domba lakinyo, ohu-ohua' aijo' anu madi' ko panyakitnyo. Sombahkon ohu-ohua' na binatang aijo' hi Tumpu, sapi' lakinyo bau koloban pongampuni dosa' ka' domba lakinyo bau koloban anu opotunu.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

NOMBILANGMO 15:3

Mongkona koloban anu opotunu kabai koloban pombayan anu i niatakonmo kabai koloban kasanangan nu kinyonyoa kabai anu okolobanakon i lamean anu biasamo obau, belemiu timbali monsombahkon hi Tumpu: sapi' lakinyo, domba lakinyo, domba kabai mee'. Hongohisnyo nu koloban haha aijo' momposanangmo kinyonyoa nu Tumpu.

NOMBILANGMO 15:8

De anu okolobanakon aijo' sa'angu' na sapi' lakinyo bau koloban anu opotunu kabai koloban bau pombayan anu i niatakonmo kabai koloban bau pompodame,

NOMBILANGMO 19:2

da mombee'mo atulan haha aiya hi bansa Israel: Ala na sapi' sa'angu' behenyo anu momea' ka' anu madi' ko panyakitnyo ka' ma'isa toho' pinake nohela' boaon.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

NOMBILANGMO 23:27

I Balak notatae, “Imbo da kita mambamo i tampat sangga'at. Ihe na monsumbu' Tumpu Allah mompobee'mo beleyum mongkutuki Israel susumo anu ku kahanda'i i tampat kiijo'.”

NOMBILANGMO 23:3

Lantas i Bileam notataemo hi Balak, “Tinjomo koko koloban anu pinotunumo nu belento Tuanku. Hau-haunyo aijo' aku mambamo montoa pa' Tumpu kahanda' singkabot tiba aku kabai madi'. Ku poto'ije iwi-iwi' apaa na anu nutaloakon mae nu Tumpu hi belengku.” Jadi nambamo na i Bileam sausa'nyo aita' mae i sa'angu' na bungkutnyo,

NOMBILANGMO 23:30

I Balak nombaumo apaa na anu pinoto'imo i Bileam. Ia nongkolobanakonmo sa'angu' na sapi' lakinyo ka' sa'angu' na domba lakinyo i mezbah aijo' toto sa'angu'.

NOMBILANGMO 28:11

Salatan montampu'unimo bitu'on mule' sa'angu' tionyo ahi' monsombahkonmo hi Tumpu koloban anu opotunu, ohua' na sapi' lakinyo anu daagi' bata'nyo, sa'angu' na domba lakinyo, popitu' na anak nu domba lakinyo anu umunnyo sataunmo, bubuu' anu madi' ko panyakitnyo.

NOMBILANGMO 28:19

Sombahkonmo hi Tumpu na koloban anu opotunu aijo'mo ohua' na sapi' lakinyo anu daagi' bata'nyo, sa'angu' na domba lakinyo ka' popitu' na anak nu domba lakinyo anu umunnyo sataunmo, bubuu' anu madi' ko panyakitnyo.

NOMBILANGMO 28:31

Koloban haha aijo' tibamo koloban anggur, salaku bau pontuangi koloban anu opotunu sansina-sinaa tiba koloban kaanon.

NOMBILANGMO 29:13

I sinaa anu momonanyo sombahkonmo hi Tumpu koloban anu opotunu aijo'mo sampulu' ka' totolu'na sapi' lakinyo anu daagi bata'nyo, ohua' na domba lakinyo anu daagi bata'nyo, ka' sampulu' ka' opat na anak nu domba lakinyo anu umunnyo sataunmo, bubuu' anu madi' kopanyakitnyo. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 29:2

Sombahkonmo hi Tumpu koloban anu opotunu aijo'mo sa'angu' na sapi lakinyo anu daagi bata'nyo, sa'angu' na domba lakinyo, ka' popitu na anak nu domba lakinyo anu umunnyo sataunmo, bubuu' anu madi' ko panyakitnyo. Hongohisnyo nu koloban aijo' momposanangmo kinyonyoa nu Tumpu.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

YOHANES 1:36

Salatan tinoanyo na i Yesus notulu, ia notatae, “Toa! Aijo'mo na Anak Domba nu Tumpu.”

YOHANES 10:7

Lantas i Yesus po'ule' mule' notatae minsan, “Totu'u na potataeng-Ku aiya: Akumo na sabatan pinsoopan nu domba.

YOHANES 10:9

Akumo na sabatan. Ihe na minsoop montulu Aku salamat; ia mosabat minsoop ka' mohumpak kaanon.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 9:7

Batu-batu mian tionyo mombee' iya na kasanangan nu kinyonyoanyo. Boli ia mombee' bata-bata kabai kalana opakisa, kalana Tumpu mongkalibosi mian anu mombee' nu kinyonyoa sanang.

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

EFESUS 5:27

Tiba jalan anu sumo aijo' i Kristus mompotinjomo jama'at aijo' talasanggo ka' Susi' i ahop-Nyo, madi' ko ideknyo kabai anu kulang mau mule' apaa.

PO'ULE' INGULIT 12:27

Koloban anu opotunu ka' koloban anu okaan na antoknyo tionyo ahi' osombahkon i mezbah nu Tumpu Allah nu belemiu ka' baso'nyo obubusakon i mezbah aijo'.

PO'ULE' INGULIT 15:21

Panyo de potuu'an aijo' ko panyakitnyo, maluannyo pengko' kabai mapisok kabai ko panyakitnyo sangga'at anu tahahumo, belemiu madi'mo timbali monsombahkon binatang aijo' hi Tumpu Allah nu belemiu.

PO'ULE' INGULIT 17:1

Boli monsombahkon sapi' kabai domba anu ko ponyakitnyo hi Tumpu Allah nu belemiu, kalana Nu ka'ideki.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.