IMAMAT 1:17 - KITAB NU TUMPU ALLA LELE MA'IMAI'

¹⁷ Lapas mae tomonsi' aijo' tionyo ahi' o sampan i pu'un nu polipiknyo panyo polipiknyo madi' timbali opolaus na monsampan. Lantas tomonsi' aijo' tionyo ahi' opotunu aijo' i mezbah. Hongohis nu koloban aijo' momposanangmo kinyonyoa nu Tumpu.

IMAMAT 1:17 ပူးပေါင်းရင်းမြစ်များ

KAJADIAN 15:10

Lantas i Abram nongalamo binatang haha aijo' bau bagi nu Tumpu Allah. Sapi', mee' ka' domba aijo' toto sa'angu' biniha'nyomo ohua', ka' biha'annyo haha aijo' pinaha potimpasnyomo mompaha ahop ohua' na jiji'annyo. Panyo tomonsi' haha aijo' madi' biniha'nyo.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

IMAMAT 1:13

Lantas mian aijo' tionyo ahi' mombaso'i isi nu kompongnyo ka' pa'a nu binatang aijo'. Lapas aijo' imam tionyo ahi' monsombahkonmo iwi-iwi' hi Tumpu ka' mompotunu aijo' i mezbah. Hongohisnyo nu koloban anu pinotunu aijo' momposanangmo kinyonyoa nu Tumpu.

IMAMAT 2:2

Ia tionyo ahi' momboa hi to ima-imam lee' i Harun. Imam anu mokalaja tionyo ahi' mongala sangkakup na labu aijo' tiba lanya' nu zaitun ka' iwi-iwi' na kamangiannyo, lantas nu potunumo i mezbah salaku tanda saba' iwi-iwi' aijo' sinombahkonmo hi Tumpu. Nohongo nu koloban anu okaan aijo' momposanangmo kinyonyoa nu Tumpu.

IMAMAT 3:5

Iwi-iwi' aijo' hingga-hinggat tiba koloban anu opotunu sangga'at tionyo ahi' opotunu i mezbah. Hongohisnyo nu koloban anu okaan aijo' momposanangmo kinyonyoa nu Tumpu.

IMAMAT 5:8

Tomonsi haha aijo' tionyo ahi' oboa hi imam. Imam na tionyo ahi' monsombahkon pe'e momona tomonsi anu tinantukanmo bau koloban pongampuni dosa'. Gogohong nu tomonsi' aijo' tionyo ahi' opijak, panyo ubaknyo boli okolongakon.

IMAMAT 6:14

Aiya na to atu-atulannyo mongkona koloban kaanon anu osombahkon hi Tumpu. Koloban aijo' tionyo ahi' oboa i ahop nu mezbah nu samian lee' mae i Harun.

IMAMAT 9:13

Lapas aijo' aha nombee'mo hi ia ubaknyo ka' bahagian sangga'at nu binatang aijo' lantas ia mompotunumo i mezbah.

NOMBILANGMO 15:3

Mongkona koloban anu opotunu kabai koloban pombayan anu i niatakonmo kabai koloban kasanangan nu kinyonyoa kabai anu okolobanakon i lamean anu biasamo obau, belemiu timbali monsombahkon hi Tumpu: sapi' lakinyo, domba lakinyo, domba kabai mee'. Hongohisnyo nu koloban haha aijo' momposanangmo kinyonyoa nu Tumpu.

NOMBILANGMO 28:8

Anak nu domba anu osombahkon mamalom tionyo ahi' okolobanakon pokakana na mombau sumo anu osombahkon daagi' subu ka' mule' anggur. Hongohisnyo nu koloban anu opotunu aijo' momposanangmo kinyonyoa nu Tumpu.

MATIUS 27:50

Lapas aitu i Yesus noloboo' mule' daka-daka', lantas nompopupusmo nyawa-Nyo.

YOHANES 19:30

I Yesus nontumi' uee nu anggur aijo' lantas notataemo, “I lapasmo!” Balo Ia tinompalupek na ubak-Nyo ka' sinilaka.

ROMA 4:25

I Yesus aijo' binee'mo da o patei kalana dosa-dosa'to, lantas Ia po'ule' pinotumuu' nu Tumpu da mompotimbali kita po'ule' mompaha maima' tiba Tumpu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.