Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IMAMAT 1:13 - KITAB NU TUMPU ALLA LELE MA'IMAI'

13 Lantas mian aijo' tionyo ahi' mombaso'i isi nu kompongnyo ka' pa'a nu binatang aijo'. Lapas aijo' imam tionyo ahi' monsombahkonmo iwi-iwi' hi Tumpu ka' mompotunu aijo' i mezbah. Hongohisnyo nu koloban anu pinotunu aijo' momposanangmo kinyonyoa nu Tumpu.

အခန်းကိုကြည့်ပါ။ ကော်ပီ




IMAMAT 1:13
15 ပူးပေါင်းရင်းမြစ်များ  

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.


I Tomundo Salomo mule' noki bau 10 na mangko anu daka' hondo olima' opokoko sasu selatan i Laigan nu Tumpu, ka' olima' mule' opokoko sasu utaranyo. Mangko' haha aijo' ma'ananyo pombaso'ian padotan nu binatang anu opotunumo salaku koloban. Uee anu i uno nu kuhon daka-daka' aijo' pinotouka da bau pimbaso'an butong nu aha to ima-imam.


Ipopasan sasu sambiha'nyo daagi' ko suo'nyo sa'angu' salaku pinontuangi sabatan daka' bahagian unonyo sasu utara. Lengkat i suo'nyo anu salaku pinontuangi aijo' daagi' ko sa'angu' na sabatan anu bau kalambanan mokiijo' idasanyo. Ikiijo'mo mae na pombaso'ian bintang-bintang anu okolobanakonmo opotunu.


Lantas mian aijo' tionyo ahi' mombaso'i isi nu kompongnyo tiba pa'anyo nu sapi' aijo', ka' imam anu mokalaja tionyo ahi' mompotunu iwi-iwi'. Hongohisnyo nu koloban anu pinotunumo aijo' momposanangmo kinyonyoa nu Tumpu.


Koloban kaanon anu osombahkon hi Tumpu madi' timbali ogalo'i nu juu' nu uani', kabai ragi, kalana juu' nu uani' kabai ragi madi' timbali opotunu ka' osombahkon hi Tumpu.


Ia tionyo ahi' momboa hi to ima-imam lee' i Harun. Imam anu mokalaja tionyo ahi' mongala sangkakup na labu aijo' tiba lanya' nu zaitun ka' iwi-iwi' na kamangiannyo, lantas nu potunumo i mezbah salaku tanda saba' iwi-iwi' aijo' sinombahkonmo hi Tumpu. Nohongo nu koloban anu okaan aijo' momposanangmo kinyonyoa nu Tumpu.


Iwi-iwi' aijo' hingga-hinggat tiba koloban anu opotunu sangga'at tionyo ahi' opotunu i mezbah. Hongohisnyo nu koloban anu okaan aijo' momposanangmo kinyonyoa nu Tumpu.


Iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' nupotunu nu imam i mezbah, da hongohisnyo momposanang kinyonyoa nu Tumpu. Sumo aijo' na Imam monsombahkon koloban pontobus dosa' nu samian na layat sahingga mian aijo' nu ampunimo nu Tumpu.


Aiya na to atu-atulannyo mongkona koloban kaanon anu osombahkon hi Tumpu. Koloban aijo' tionyo ahi' oboa i ahop nu mezbah nu samian lee' mae i Harun.


Mongkona koloban anu opotunu kabai koloban pombayan anu i niatakonmo kabai koloban kasanangan nu kinyonyoa kabai anu okolobanakon i lamean anu biasamo obau, belemiu timbali monsombahkon hi Tumpu: sapi' lakinyo, domba lakinyo, domba kabai mee'. Hongohisnyo nu koloban haha aijo' momposanangmo kinyonyoa nu Tumpu.


De ihe na monsombahkon domba kabai mee' bau koloban anu opotunu bau bagi nu Tumpu, tionyo ahi' oboa suele hingga-hinggat toto sa'angu' na potuu'on aijo', sa'angu' na kilogram na labu ogalo'i nu sa'angu' na liter na lanya' nu zaitun bau koloban anu okaan ka' suele sa'angu' na liter na anggur.


Salatan montampu'unimo bitu'on mule' sa'angu' tionyo ahi' monsombahkonmo hi Tumpu koloban anu opotunu, ohua' na sapi' lakinyo anu daagi' bata'nyo, sa'angu' na domba lakinyo, popitu' na anak nu domba lakinyo anu umunnyo sataunmo, bubuu' anu madi' ko panyakitnyo.


Anak nu domba anu osombahkon mamalom tionyo ahi' okolobanakon pokakana na mombau sumo anu osombahkon daagi' subu ka' mule' anggur. Hongohisnyo nu koloban anu opotunu aijo' momposanangmo kinyonyoa nu Tumpu.


Koloban anu opotunu ka' koloban anu okaan na antoknyo tionyo ahi' osombahkon i mezbah nu Tumpu Allah nu belemiu ka' baso'nyo obubusakon i mezbah aijo'.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ