IMAMAT 1:11 - KITAB NU TUMPU ALLA LELE MA'IMAI'

¹¹ Mian aijo' tionyo ahi' mongkolot binatang aijo' i sasu Utara mezbah, lantas to ima-imam tionyo ahi' mondudu'akon baso'nyo i sulapa'nyo opa-opat nu mezbah aijo'.

IMAMAT 1:11 ပူးပေါင်းရင်းမြစ်များ

NOSABATMO 24:6

Sambagian na baso' nu sapi' aijo' ingala i Musa ka' i lambe'nyo i to mangko-mangko'. Sambagian mule' dinudu'akonnyomo i mezbah.

NOSABATMO 40:22

Lapas aijo' i Musa nompokokomo meja' i uno nu Kemah, sasu utara i sambiha'nyo nu hude,

YEHEZKIEL 43:18

Tumpu Anu Matangkas na Kuasanyo notataemo mae hi belengku, “O manusia anu madi' tumuu' batu, potombihing mae apaa na anu Ku poto'i hi beleyum. De mezbah aijo' lapasmo na obau, beleyum tionyo ahi' montahbiskanmo, mompake koloban anu opotunu aijo' ka' opipi'i nu baso'nyo anu kinolobanakonmo na mezbah aijo'.

YEHEZKIEL 8:5

Tumpu notataemo hi belengku, “O, manusia anu madi' tumuu' batu, soba toa mokiita' sasu utara.” Lantas tinulutankumo ka' isasu mezbah koko jalan pinsoopan, aku nontoamo patong nu pilogot anu nonsaduakonmo Tumpu notambuha'.

IMAMAT 1:5

Lapas aijo' okolotmo na sapi' aijo' i ahop nu sabatan nu Kemah. Baso'nyo tionyo ahi' osombahkonmo nu to ima-imam lee' mae i Harun hi Tumpu, lantas odudu'akonmo i sulapa'nyo opa-opat nu mezbah i ahop nu sabatan nu Kemah.

IMAMAT 14:13

Anak nu domba aijo' tionyo ahi' o kolot i tampat anu tinantukanmo samata-mata bau pongkolotan binatang bau koloban pongampuni dosa' ka' koloban anu opotunu. Domba aijo' tionyo ahi' o kolot ikiijo' kalana koloban bau polugi'i ka' koloban pongampuni dosa' aijo' talalo hondo susi', ka' aijo' baumo bagi nu imam.

IMAMAT 4:29

Ia tionyo ahi' mompotiik limanyo i ubak nu binatang aijo', lantas o kolot i sasu utara nu mezbah tampat pongkolotan binatang koloban anu opotunu.

IMAMAT 7:2

Binatang anu okolobanakon tionyo ahi' o kolot i tampat pongkolotan binatang koloban anu opotunu, lantas baso'nyo odudu'akon i opa-opat na sulapa'nyo nu mezbah.

IMAMAT 8:19

Domba aijo' nu kolotmo i Musa ka' baso'nyo odudu'akonmo i sulapa'nyo opa-opat nu mezbah.