IMAMAT 1:10 - KITAB NU TUMPU ALLA LELE MA'IMAI'

¹⁰ De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 1:10 ပူးပေါင်းရင်းမြစ်များ

KAJADIAN 4:4

Lantas i Habel nongalamo anak nu domba tumpenyo i sala'sa'angu' na dombanyo, kinolotnyomo, lantas sinombahkonnyomo na bagian anu talalo ma'ima' hi Tumpu. Tumpu sinanangmo hi Habel ka' suele anu sinombahkonmo aijo' kina'ima'an-Nyomo.

KAJADIAN 8:20

I Nuh nombaumo sa'angu' na mezbah bau ponsombahkonan koloban hi Tumpu. Toto sangahan na tomonsi' ingalanyo sa'angu' ka' binatang sangga'at anu timbali okaan. Lantas sinombahkonnyomo salaku koloban anu opotunu i mezbah aijo'.

NOSABATMO 12:5

Belemiu timbali mompile'i domba kabai mee' panyo tionyo ahi' mo'anenyo, umunnyo sataunmo ka' anu madi' ko panyakitnyo.

YEHEZKIEL 43:22

Dodop mule' beleyum tionyo ahi' monsombahkon sa'angu' na mee' lakinyo anu madi' ko kulangnyo apa-apaa da bau koloban pongampuni dosa'. Posusi' na mezbah aijo' nu baso' nu mee' aijo' susumo beleyum nombaumo sapi' lakinyo anu daagi' bata'nyo aijo'.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 16:3

Ola de monsombahkonmo sapi' lakinyo bau koloban pongampuni dosa', ka' mule' sa'angu' na domba lakinyo bau koloban anu opotunu, yo i Harun timbali minsoop i Salipi' anu Susi' hondo.”

IMAMAT 16:5

Lantas mian nu Israel tionyo ahi' mombee' hi Harun ohua' na mee' lakinyo bau koloban pongampuni dosa' ka' sa'angu' na domba lakinyo bau koloban anu opotunu.

IMAMAT 23:12

Toka i sinaanyo belemiu monsombahkonmo gandum aijo', belemiu suele tionyo ahi' monsombahkon koloban anu opotunu sa'angu' na anak nu domba lakinyo umunnyo sataunmo ka' madi' ko panyakitnyo.

IMAMAT 3:1

De ko mian monsombahkon sa'angu' na sapi' anu okolobanakon bau pompodame, sapi' aijo' lakinyo timbali, kabai behenyo timbali, panyo anu madi' ko panyakitnyo.

IMAMAT 4:23

saba' sampa malia-lia' de osumbu'mo, ia tionyo ahi' mongkolobanakon sa'angu' na mee' lakinyo anu madi' ko panyakitnyo da bau pongampuni dosa'nyo.

IMAMAT 4:3

De anu baladosa' Imam Daka', sahingga bansa Israel suele sala'mo, ia tionyo ahi' mongkolobanakon sa'angu' na sapi' lakinyo anu daagi' bata'nyo ka' anu madi' ko panyakitnyo hi Tumpu da dosa'nyo o ampuni.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 9:2

Koonyo i Musa hi Harun, “Ala mae sa'angu' na sapi' lakinyo anu daagi' bata'nyo ka' sa'angu' na domba lakinyo, ohu-ohua' aijo' anu madi' ko panyakitnyo. Sombahkon ohu-ohua' na binatang aijo' hi Tumpu, sapi' lakinyo bau koloban pongampuni dosa' ka' domba lakinyo bau koloban anu opotunu.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

NOMBILANGMO 19:2

da mombee'mo atulan haha aiya hi bansa Israel: Ala na sapi' sa'angu' behenyo anu momea' ka' anu madi' ko panyakitnyo ka' ma'isa toho' pinake nohela' boaon.

NOMBILANGMO 6:14

ka' momboa hi Tumpu totolu' na potuu'on anu madi' ko panyakitnyo; sa'angu' na anak nu domba lakinyo umunnyo sataunmo anu bau koloban opotunu, sa'angu' na anak nu domba behenyo anu umunnyo sataunmo bau koloban pongampuni dosa', ka' sa'angu' na domba lakinyo bau koloban pompodame.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.