IBRANI 9:9 - KITAB NU TUMPU ALLA LELE MA'IMAI'

⁹ Aiya mongibalatakon tempo' uuka; alati'nyo saba' anu sola osombahkon ka' kolobaan binatang haha aijo' anu osombahkon hi Tumpu, madi' moko ala mompokopiani kinyonyoa nu mian anu momboa mae anu osombahkon.

IBRANI 9:9 ပူးပေါင်းရင်းမြစ်များ

ROMA 5:14

Mau mule' lengkat pe'e tempo'nyo hi Adam kino toka-toka tempo'nyo hi Musa, kapatean nongkuasaimo songko-songko na mian. Aitu pe'e to mia-mian anu madi' nolanggai susumo anu binau i Adam, mian haha aijo' suele kinuasanmo nu kapatean. I Adam te gambalan nu anu saidi' mae toka.

GALATIA 3:21

Ugaat aijo' alati'nyo saba' atulan nu agama mompaha sala' tiba anu jinanji'mo nu Tumpu? Tantu ahi' madi'! Kalana de atulan nu agama binee' da mombee'i kantumuu'an hi manusia, sahingga manusia timbali mompo'ule' ma'ima' tiba Tumpu kalana atulan nu agama.

IBRANI 10:11

Batu-batu imam nu aha Yahudi mombau kalajanyo salaku imam sansina-sinaa, ka' saja' opo'uli-ulit na ia monsombahkon anu susumo aijo'. Panyo koloban haha aijo' madi' hondo moko alini dosa'.

IBRANI 11:19

I Abraham palesaya totu-totu'u hi Tumpu, moko ala po'ule' mompotumuu' i Ishak maumo ia sinilakamo – jadi, timbalimo otaloakon, i Abraham po'ule'mo nontalima i Ishak anu sini-sinilakamo po'ule'mo tinumuu'.

IBRANI 5:1

Batu-batu Imam Daka' opile'i hi aha mian anu palesayamo hi Tumpu, ka' o hangkat da mompojalan palentah nu Tumpu salaku wakin nu aha. Kalajanyo aijo'mo monsombahkon hi Tumpu, apa-apaa na obee' ka' okolobanakon bau pongampuni dosa'.

IBRANI 7:11

Tempo'nyo to ima-imam Lewi nompalentah, atulan nu agama Yahudi binee'mo hi mian Israel anu palesayamo. Kalana to ima-imam Lewi naipuan mae aijo' madi' moko ala mombau apaa na anu tionyo nubau nu aha ma'i-ma'ima', jadi tionyo ko imam sangga'at, aijo'mo anu sumo i Imam Melkisedek, ka' misa'mo anu lengkat mae i gombuan nu Imam Harun!

IBRANI 8:4

Bisuannyo Ia jojoong i dunia aiya, Ia madi' timbali jadi imam kalana daagi'mo ko imam anu monsombahkon koloban anu otuntut i uno nu atulan nu agama Yahudi.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',