IBRANI 9:6 - KITAB NU TUMPU ALLA LELE MA'IMAI'

⁶ Sumo aijo' na nongatun iwi-iwi'. Toka sansina-sinaa to ima-imam minsoop i unonyo sasu ahopnyo nu kemah aijo' mombau kalaja nu aha.

IBRANI 9:6 ပူးပေါင်းရင်းမြစ်များ

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

NOMBILANGMO 18:2

To utu-utus nu beleyum tulunan nu bansa Lewi tionyo ahi' nu ala da bau pontulungi apaa na anu nu kalaja ka' apaa na anu nu kalaja nu to ana-anak nu beleyum.

NOMBILANGMO 28:3

Aiya na koloban anu tionyo ahi' osombahkon hi Tumpu: Anu okolobanakon sansina-sinaa ohua' na anak nu domba lakinyo anu umunnyo sataunmo anu madi' ko panyakitnyo,

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

IBRANI 7:11

Tempo'nyo to ima-imam Lewi nompalentah, atulan nu agama Yahudi binee'mo hi mian Israel anu palesayamo. Kalana to ima-imam Lewi naipuan mae aijo' madi' moko ala mombau apaa na anu tionyo nubau nu aha ma'i-ma'ima', jadi tionyo ko imam sangga'at, aijo'mo anu sumo i Imam Melkisedek, ka' misa'mo anu lengkat mae i gombuan nu Imam Harun!