IBRANI 9:5 - KITAB NU TUMPU ALLA LELE MA'IMAI'

⁵ I bawo nu Peti' aijo' daagi' ko Patong nu Malaikat ohua', anu ko polipiknyo mongibalatakon Tumpu daagi' ko anu i kiijo'. Ohu-ohua' na polipik nu Malaikat aijo' binokanyo i bawo nu kolop nu Peti', aijo'mo tampat pongampunian dosa'. Panyo iwi-iwi' aijo' madi'mo opoko ala otutuhakon tempo' uuka toto sa'angu'.

IBRANI 9:5 ပူးပေါင်းရင်းမြစ်များ

2 TOMU-TOMUNDO' 19:15

lantas binalado'amo, ia notatae, “Tumpu, Tumpu Allah Israel anu jojoong kiita' i suluga', Belentomo na sa'a-sa'angu'nyo anu mongkuasai silina na kalaja'an i dunia aiya. Belentomo na anu mompodaagi' langit tiba tano' aiya.

1 TAWARIKH 28:11

Lapas aijo' binee'mo i Daud hi Salomo apa-apaa na anu tinanga'anmo obau, aijo'mo Laigan nu Tumpu, to guda-gudangnyo, iwi-iwi' na salipi'nyo, ka' Salipi'nyo anu Susi' hondo, tampat pongampunian dosa'.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

IMAMAT 16:13

Kamangian aijo' tionyo ahi' opapui i ahop nu Peti' Palajanjian aijo', sahingga tibuknyo monsapumo kolop nu Peti' aijo' ka' i Harun madi'mo moko ala montoa kalana de ia montoa ia matemo.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 SAMUEL 4:4

Lantas aha nonsaimo mian namba i Silo mongala Peti' Palajanjian nu Tumpu, anu salaku kajojoongan nu Tumpu Anu Daka' na kuasanyo. Anak i Eli ua-ua aha, i Hofni tiba i Pinehas na nontuntuni mae Peti' Palajanjian aijo'.