IBRANI 9:4 - KITAB NU TUMPU ALLA LELE MA'IMAI'

⁴ I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.

IBRANI 9:4 ပူးပေါင်းရင်းမြစ်များ

1 TOMU-TOMUNDO' 8:21

I uno nu Laigan nu Tumpu aijo' pinotoukankumo na pompokokoan Peti' Palajanjian anu pinongisian batu palajanjian nu Tumpu tiba mompolee'to tempo'nyo Ia nomboa mae nosabat lengkat mae i Mesir.”

1 TOMU-TOMUNDO' 8:9

I uno nu Peti' Palajanjian aijo' madi' ko sangga'atnyo ola ahi' ohua' na batu. Batu haha aijo' pinosoopmo i Musa i kiijo' tempo'nyo kiita' mae i Bungkutnyo nu Sinai, tempo'nyo Tumpu binajanji'mo tiba bansa Israel, tempo'nyo aha nambamo mae lengkat i Mesir nokiijo' i lipu' Kana'an.

2 TAWARIKH 5:10

I uno nu Peti' Palajanjian aijo' madi' ko anu sangga'at na ingisi, ola ahi' samata-mata kobakan nu batu ohua'. Batu ohua' aijo' pinosoopmo i Musa tempo'nyo daagi' kiijo' mae i Bungkutnyo nu Sinai, salatan Tumpu binalajanji'mo tiba bansa Israel tempo'nyo aha nompala'imo mae Mesir nambamo i Lipu' Kana'an.

NOSABATMO 26:33

Pokona na hude aijo' i pongkaitnyo anu pinaha pojiji'mo i aluk nu atop nu Kemah aijo'. I hikunyo nu hude aijo', aijo'mo na tionyo ahi' pompo'una'an Peti' Palajanjian anu isinyo ohua' na batu. Hude aijo' na bau pongoloti Salipi' Susi' tiba Salipi' anu Talalo hondo Susi'.

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

NOSABATMO 32:15

I Musa nintudunmo mae lengkat i bungkutnyo aijo' nomboa mae ohua' na batu anu ko tulisannyo palentah nu Tumpu Allah i batu aijo' ohu-ohua'.

NOSABATMO 34:29

Tempo'nyo i Musa nintudunmo mae lengkat i Bungkutnyo nu Sinai nomboamo mae Sampulu' na Palentah aijo' ohupnyo kino sahayanyomo kalana Ia notataemo tiba Tumpu, panyo i Musa madi' nonsumbu' taalu' ohupnyo kino sahanyomo.

NOSABATMO 37:25

I Bezaleel nombaumo sa'angu' na mezbah kau' akasia na binau da bau pompapuan kamangian. Mezbah aijo' binau sulapa', ko mantannyo ka' ko bolanyo pokakana 45 na sentimeten, ka' ko tangkasnyo 90 na sentimeten. Pasu'nyo opa-opat obaui tanduk anu sa'a-sa'angu'mo tiba mezbah aijo'.

NOSABATMO 39:35

Peti' Palajanjian anu ko isinyo ohua' na batu tiba kau' polembanan ka' kolopnyo,

NOSABATMO 40:3

Posoop i unonyo na Peti' Palajanjian anu ko tulisannyo Sampulu' na Pelentah ka' pokona na hude pongkukumbungi i ahopnyo.

IMAMAT 16:12

ia tionyo ahi' mongalamo tampat nu apu anu aijo' i mezbah ka' o isimo buke-buke' nu oba nu apu ka' uangkakup na kamangian anu nahutemo lantas oboamo i Salipi' anu Susi' hondo.

NOMBILANGMO 17:10

Lantas Tumpu notataemo hi Musa, “Po'ule' potimpas na tokon i Harun i ahop nu Peti' Palajanjian. Tokon aijo' tionyo ahi' opo'una' salaku bau tanda saja' o'inau' nu aha mian Israel, anu saja' moto'idek saba' aha matemo de aha saja' mososon.”

NOMBILANGMO 17:5

Tokon nu mian anu Ku pile'imo atina' minsumpemo. Tiba jalan anu sumo aijo', Ku pobelentimo na pososon nu to mia-mian anu saja' monsosoli belemiu.”

NOMBILANGMO 17:8

Dodododopnyo, salatan i Musa ninsoopmo i Kemah nu Tumpu, tinoanyo tokon i Harun aijo'mo tokon nu tompukan nu tulunan mae nu aha bansa Lewi ninsumpemo. Tokon aijo' mulaimo nimbuhak, nimbuhakmo ka' nimbua'mo ketapang anu motu'amo!

PO'ULE' INGULIT 9:11

Noko lapas patompulu' na sinaa ka' patompulu' na pihi, Tumpu nombee'mo mae hi belengku ohua' na batu palajanjian aijo'.

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.

ANU PINOTO'I HI YOHANES 11:19

Sahingga tinontuhea'mo na Laigan nu Tumpu i suluga' ka' kinantoaanmo na Peti' Palajanjian kiijo' i unonyo. Lantas tinokamo na kilat moto-moto taaman ka' onyi' nu gohung dolu-dolundungan, ka' pinoka-pokalapitmo, tiba luulu' ka' ujan eis anu mabohos hondo.

ANU PINOTO'I HI YOHANES 8:3

Samian na malaikat sangga'at, anu nomboa sa'angu' na tampat pompapuan kamangian, mosoni' na tinutuk, tinoka ka' tinuminjo i ahop nu mezbah. Ia binee'an manjoo' hondo na kamangian da okakambuhakon i anu osombahkon aijo' i mezbah anu mosoni' na tinutuk ka' iwi-iwi' na do'a nu mian anu pinalesayamo hi Tumpu Allah suele nu kona nu kamangian aijo' anu o sombahkon i mezbah mosoni' na tinutuk anu aijo' i ahop nu kasuhangan.