IBRANI 9:27 - KITAB NU TUMPU ALLA LELE MA'IMAI'

²⁷ Tumpu nontantukanmo mian silaka ola minsan ka' lapas aijo' oputusimo nu Tumpu.

IBRANI 9:27 ပူးပေါင်းရင်းမြစ်များ

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

2 SAMUEL 14:14

Kita suele iwi-iwi' silaka; kita aiya sumomo uee anu nobubusmo i tano' madi'mo opoko ala po'ule' opolimu'. Tumpu Allah madi'mo po'ule' mompotumuu' mian anu sinilakamo; kalana aijo' tionyo ahi' o'usahakaon nu belento Tuanku da mian anu binoamo i tano' majo'on po'ule' mae minsusule'.

AYUB 14:5

Konjoo'nyo nu umun nu manusia tinantukanmo nu Belento; konjoo'nyo nu bitu'onnyo pinatikolomo nu Belento. Ka' mule' kinoyomo nu Belento toka iya na kantumuu'annyo; ia madi' timbali moliu-liu.

AYUB 19:25

Ku sumbu' kiita' i suluga' daagi' ko anu monsangaja'i aku; ahennyo mae Ia na toka mae montulungi aku.

AYUB 30:23

Ku sumbu', na Belento nomboamo aku i tampat anu monsilakai, pomposihukan ka' bau kajojoongan nu anu daagi' tumuu' iwi-iwi'.

MAZMUR 89:48

Inau'akon mae na aku talalomo hondo kinodo' na umunku aiya, pinotimbalimo nu Belento na mian anu ko nyawanyo panyo madi' tumuu' batu.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

ANU MOMPOLELE POTATAE NU TUMPU 3:2

Tumpu na nontantukan tempo'nyo nu mompohampe ka' tempo' nu silaka, tempo'nyo nu mosu'an ka' tempo'nyo nu mombubut,

ANU MOMPOLELE POTATAE NU TUMPU 3:20

Aha montujui tampat anu pokakana. Aha asannyo lengkat i abu' ka' po'ule' mule' minsusule' i abu'.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

ANU MOMPOLELE POTATAE NU TUMPU 9:5

Madi' ko madi'nyo nu sumbu' nu mian anu daagi tutuu' na ukunnyo montanda'imo ia; sadangkan mian anu sinilakamo na madi'mo ahi' ko anu nu sumbu-sumbu'. Hi ia madi' ko tamboonyo kabai ko palasennyo; ka' sanggonyo mule' okolilimimo.

LUKAS 20:32

Ahennyo boune aijo' sinilakamo.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ROMA 5:12

Dosa' ninsoop i uno nu dunia sinabapan nu samian, ka' lengkat i dosa' aijo' sahingga ko anumo sinilaka. Ahennyo, kapatean nolele isongko-songko na mian, kalana iwi-iwi' na mian binaladosa'mo.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.

YUDAS 1:15

kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.