IBRANI 9:2 - KITAB NU TUMPU ALLA LELE MA'IMAI'

² Sa'angu' na kemah pinotinjo anu i sasu ahopnyo, sinanggohan Salipi' anu Susi'. I kiijo' daagi' ko sulaan nu sulu' ka' daagi' mule' ko meja' tiba roti anu osombahkon hi Tumpu.

IBRANI 9:2 ပူးပေါင်းရင်းမြစ်များ

NOSABATMO 25:23

“Obau sa'angu' na meja' kau' akasia na obau ko mantannyo 88 sentimeten, ka' ko bolanyo 44 sentimeten, ka' ko tangkasnyo 66 sentimeten.

NOSABATMO 25:30

Ka' meja' aijo' tionyo ahi' opo'una' i ahop nu Peti' Palajanjian, ka' i meja' aijo' tionyo ahi' saja' oposadia na roti anu osombahkon.”

NOSABATMO 25:31

“Obau na tengke nu sulu' mosoni' na obau anu madi' ko galo'nyo. Pompokokoan ka' pontoongian tionyo ahi' mosoni' na otutuk; pomboti-botikinyo, tibamo bunganyo anu ma'isa timboka ka' kayakupnyo tionyo ahi' obau sa'a-sa'angu'mo madi' tongga'at tiba kasuhangannyo tiba pontoongiannyo.

NOSABATMO 26:1

“Baui na Aku kemah obau sampulu' na kolongan nu lenan anu ma'ima' hondo, otonun tiba laken mobilu', mingkamumu' ka' momea'. Osuji'i na hude aijo' nu gambalan anu sumo malaekat.

NOSABATMO 26:33

Pokona na hude aijo' i pongkaitnyo anu pinaha pojiji'mo i aluk nu atop nu Kemah aijo'. I hikunyo nu hude aijo', aijo'mo na tionyo ahi' pompo'una'an Peti' Palajanjian anu isinyo ohua' na batu. Hude aijo' na bau pongoloti Salipi' Susi' tiba Salipi' anu Talalo hondo Susi'.

NOSABATMO 26:35

Meja' bau pompotimpasan anu osombahkon tionyo ahi' opo'una' i sambiha'nyo nu salipi' anu Talalo hondo Susi' i sasu utara, ka' tengke nu sulu' i sasu selatan i uno nu Kemah aijo'.

NOSABATMO 29:1

“Sumo uuka na bau-baunyo mombalakati i Harun ka' to ana-anaknyo da aha timbali mombau anu Ku palentahkon salaku imam. Ala na sapi' lakinyo sa'angu' anu daagi' bata'nyo ka' ohua' na domba lakinyo anu madi' ko panyakitnyo.

NOSABATMO 29:35

Mombalakati i Harun ka' to ana-anaknyo tionyo ahi' obau pitung sinaa na kopinnyo, susumo anu pinalentahkon-Kumo hi belemiu.

NOSABATMO 40:2

“Bau na Kemah-Ku i tanggan sa'angu' bitu'on sa'angu'.

NOSABATMO 40:4

Pokoko na meja' tiba posadiaonnyo. Posoop suele na tengke nu sulu' ka' tutungimo na sulu'nyo.

MATIUS 12:4

Ia ninsoop i uno nu Laigan nu Tumpu; lantas nongkaan roti anu sinombahkonmo hi Tumpu. Padahan de mombatuki atulan nu agamanto, ia kabai mule' to mia-miannyo, madi' timbali mongkaan roti aijo' – ola to ima-imam na opobee'.

MATIUS 5:15

Madi' ko mian anu montutungi sulu', lantas mongkulubi sulu' nu gumbang. Ia ola ahi' mompo'una' sulu' aijo' i tampat nu sulu', da monjingkai batu-batu mian i uno nu laigan.

IBRANI 9:25

Imam Daka' nu Yahudi sataun-toka sataun minsoop i Salipi' anu Susi' hondo i uno nu Laigan nu Tumpu momboa baso' nu binatang sa'angu'. Panyo i Kristus madi' ninsoop nonsombahkon butong-Nyo pino'uli-ulit.