IBRANI 9:19 - KITAB NU TUMPU ALLA LELE MA'IMAI'

¹⁹ Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

IBRANI 9:19 ပူးပေါင်းရင်းမြစ်များ

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

NOSABATMO 12:22

Ala na hemput anu batangnyo ko honnyo die' ka' opuuti olobongakon i mangko' anu ko isinyo baso' nu domba aijo' lantas osapuakon i ohi' ohu-ohua' aijo' i sabatan ka' aita' i buannyo nu sabatan aijo' i laigan nu belemiu. Sampe toka dodop daagi' subu madi' timbali ko samian anu atina' hi belemiu mompala'i laigannyo.

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 3:6

De anu osombahkon bau koloban pompodame aijo' sa'angu' na domba kabai mee', binatang aijo' lakinyo timbali, kabai behenyo timbali, panyo madi' ko panyakitnyo.

NOMBILANGMO 19:18

Han anu momona aijo'mo de daagi' ko mian anu silaka i uno nu kemah, mian anu madi' mahumimi' tionyo ahi' mongala sampanga' na hisop ka' olobongakon i uee aijo', lantas opipi'akon i kemah ka' iwi-iwi' na apaa anu daagi' kiijo' i unonyo, ka' suele to mia-mian anu ikiijo'. Han anu ko ohua'nyo aijo'mo de ihehe na mian anu monsala' kanyangmo anu sinilakamo, kubulan kabai buku nu mian anu sinilakamo, mian anu madi' mahumimi' na tionyo ahi' mompipi'i mian anu nahumimi'mo aijo', tiba jalan suele sumo aijo'.

NOMBILANGMO 19:6

Ka' mule' imam tionyo ahi' mongala kau' aras sangkiding, sampanga' na kau' hisop ka' sampelu' na kahohon momea' lantas olumbu'akon mokiijo' i apu anu hau-haunyo pinompotunuanmo sapi' momea' aijo'.

MATIUS 27:28

Aha nongukat baju' i Yesus, ka' nompopake hi Ia juba' buhitnyo mingkamumu'.

MARKUS 15:17

Lantas aha nompo pusokmo jubah mingkamumu' hi Yesus, ka' nombau makota' panga-panga' anu ko hii'nyo na binau, lapas aijo' pinosoku'nyomo i ubak i Yesus.

MARKUS 15:20

Pinoko kabiangan nu aha na i Yesus, aha nongukatakonmo jubah mingkamumu' aijo' lantas po'ule' pinopusokakon nu aha na posi baju-Nyo. Lapas aijo' sinabatakonmo nu aha na Ia da o salibkanmo.

YOHANES 19:2

To sulu-suludadu nomboa sa'angu' na makota kandang anu kohii'nyo, lantas nomposoku' aita' i ubak i Yesus. Lapas aijo' aha nompopusokmo hi Ia juba' buhitnyo mingkamumu',

YOHANES 19:5

Lantas i Yesus nosabat soku-soku na makota ko hii'nyo ka' juba' kamumu'. I Pilatus notatae hi aha, “Toa na mian aiya.”

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 10:4

kalana memang baso' nu sapi' ka' baso' nu mee' lakinyo madi' moko ala mongalini dosa'.

IBRANI 12:24

Komiu tokamo mangadap hi Yesus anu Nonjambatanimo da montalimamo palajanjian anu sala'je aijo'; komiu mangadapmo i baso' anu pinipi'akonmo, anu mompokopianimo hahan da lebe ma'ima' molingkuduimo anu pinokopiananmo nu baso' i Habel aijo'.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.

IBRANI 9:13

Baso' nu mee' ka' sapi' mo'anenyo tiba abu' nu anak nu sapi', anu kinolobanakon, opake da bau pompipi' to mia-mian anu mahenyu susumo koonyo nu atulan nu agama, da aha timbali belesi'.

IBRANI 9:18

Kalana aijo' janji' anu momonanyo suele tionyo o sela' nu baso'.