IBRANI 9:15 - KITAB NU TUMPU ALLA LELE MA'IMAI'

¹⁵ Aijo' na sababnyo i Kristus tinimbalimo Jalan i sa'angu' na palajanjian anu bu'ou, da mian anu i lagamo nu Tumpu montalimamo to bala-balakat anu madi' mingkot anu jinanji'mo nu Tumpu. Iwi-iwi' aijo' tinimbalimo kalana daagi'mo ko anu sinilaka, aijo'mo i Kristus; ka' Ia sinilaka aijo' nompobebasmo mian i kasala'an-kasala'an anu binaumo nu aha tempo'nyo palajanjian anu momona daagi' pinake.

IBRANI 9:15 ပူးပေါင်းရင်းမြစ်များ

MAZMUR 37:18

Tumpu monjagai kantumuu'an nu mian anu bala iman hondo, halata' pusaka' nu aha tataap sampe toka sidu-sidutu'.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 22:3

Tomundo aijo' nonsai to poka-pokauhon mamba molabot to mia-mian anu i laga da toka i bau-bauon aijo'. Panyo aha anu i laga aijo' madi' mongka'oho' toka.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MATIUS 25:36

Aku madi' ko baju', komiu nombee'i Aku baju'. Aku masakit, komiu nompakuli' Aku. Aku tinalungku', komiu nontulungi Aku.’

MARKUS 10:17

Tempo'nyo i Yesus daagi' molausakon lumambaanannyo, samian tinokamo mae popoopadeka' hi Yesus. Mian aijo' nonsombah i ahop hi Yesus ka' nompokilawa, “Gulu' anu manonong, aku tionyo mombau apaa da mohumpak kantumuu'an talakana' toka sidu-sidutu'?”

LUKAS 18:18

Samian na Polaya' nu Yahudi nompokilawa hi Yesus, “Tuumangku Gulu' anu ma'ima', apaa na tionyo kubau da mohumpak tumuu' kopian sidu-sidutu'?”

LUKAS 22:20

Sumo aitu mule' noko kaan, Ia nombee'mo mangko' nu anggur aijo' hi aha ka' notatae, “Mangko' aiya, salaku pontandai nu Tumpu Allah anu bu'ou anu sinela'mo nu baso'-Ku – baso' anu jinujuhakonmo hi komiu].”

YOHANES 10:28

Aku mombee'i aha kantumuu'an kopian ka' toka sidu-sidutu', ka' sidu-sidutu' aha madi' silaka. Madi' ko samian pe'e mongagoi aha i limang-Ku.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

ROMA 5:6

Tempo'nyo kita i uno nu madi'mo moko ala, i Kristus sinilakamo pontokong kita i tempo' anu tinantukanmo nu Tumpu; padahan kita to mia-mian anu najo'onmo hi Tumpu.

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

ROMA 8:30

Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

ROMA 9:24

Kita ilaga-Nyomo, misa' ola lengkat i bansa Yahudi, panyo mule' suele i bansa sangga'at.

2 KORINTUS 3:6

Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

GALATIA 3:20

Jadi, tionyo ua aha na anu binajanji' na mian, atina'je ka' palalu ko sansamianan anu mompotoka hi samian ka' hi samian. Panyo Tumpu madi'mo nompalalui anu mompotoka hi samian ka' hi samian, kalana posi Iamo na mombau pakalaja'an aijo'.

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

2 TESALONIKA 2:14

Makisut aijo'na Tumpu nolagamo komiu, nontului Lele Ma'ima' anu pinoto'imo mami hi komiu. Tumpu nolagamo komiu, kalana Ia mongka'oho' da komiu hingga-hinggat mongoa'i mosia nakatalasanggoan nu Tumpunto i Yesus Kristus.

1 TIMOTIUS 2:5

Kalana, ola sa'a-sa'angu'nyomo na Tumpu, ka' ola samian na bau ponsumbu'an Tumpu manusia aitumo i Kristus Yesus.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

TITUS 3:7

da kalana balakat i Yesus, kita mompo'ule'mo ma'ima' tiba Tumpu, ka' kita mohumpakmo kantumuu'an anu ma'ima' sampe toka sidu-sidutu', anu saja' o'ima-imaninto.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 12:24

Komiu tokamo mangadap hi Yesus anu Nonjambatanimo da montalimamo palajanjian anu sala'je aijo'; komiu mangadapmo i baso' anu pinipi'akonmo, anu mompokopianimo hahan da lebe ma'ima' molingkuduimo anu pinokopiananmo nu baso' i Habel aijo'.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

IBRANI 2:14

Kalana to mia-mian anu sinanggo-Nyo anak aijo', atina'mo mian anu timbali silaka, jadi i Yesus tinimbalimo pokakana sumo aha ka' tinumuu'mo pokakana sumo mian. Ia nombau sumo aijo', da kalana Ia sinilaka sumo aijo' Ia timbali mohopu'i Ibilis anu mongkuasai kapatean.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 6:13

Tempo'nyo Tumpu binajanji' hi Abraham, Ia binasumpa'mo tukoonyo, nu bauje apaa na anu jinanji'nyomo. Ka' kalana madi' ko anu lebe matangkas molingkudui Tumpu, sahingga Ia binasumpa'mo i posi sanggo-Nyo.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

IBRANI 7:22

Tiba jalan aiya mule' i Yesus na anu tinimbalimo bau pintoongan ka' anu lebe ma'ima' ka' lebe mahoson mongkona han anu jinanji'mo aijo'.

IBRANI 8:13

Kalana mompoto'imo sa'angu na palajanjian' anu bu'ou, jadi Tumpu Allah nompotimbalimo palajanjian anu momona aijo' naluso'mo ka' madi'mo talalo ma'ima'; ka' apaa na anu naluso'mo tantu malia'mo lanyaap.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.

IBRANI 9:16

De daagi' ko sulat anu montalangkan ihe na tumpunyo nu halata' nu mian anu sinilakamo, tantu daagi' ko bukuti'nyo nu mian anu nombaumo sulat aijo' montutuhakon ia aijo' sinilakamo.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

1 YOHANES 2:25

Ka' aiyamo na anu jinanji'mo i Kristus hi kita: Tumuu' kopian ka' sampe toka sidu-sidutu'.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.