IBRANI 9:10 - KITAB NU TUMPU ALLA LELE MA'IMAI'

¹⁰ Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.

IBRANI 9:10 ပူးပေါင်းရင်းမြစ်များ

NOSABATMO 29:4

Pokau na i Harun tiba to ana-anaknyo toka mae i sabatan nu Kemah-Ku ka' mompolesi butong.

NOSABATMO 40:12

Lapas aijo' pokaumo na i Harun tiba to ana-anaknyo toka mae i sabatan nu Kemah ka' mimbaso'.

YEHEZKIEL 4:14

Panyo tinaamankumo, “Ebeh Tumpu Anu Matangkas Na Kuasanyo! Daagi' pe'e ise-ise' sampe tempo uuka aiya na aku ma'isa toho' nohumimi'i butongku pa' nongkaanmo binatang anu nosipate kabai tuha' nu anu kinaanmo nu binatang anu mahangas Ma'isa toho' aku nongkaan kaanon anu o'anggap madi' toho' okaan.”

IMAMAT 13:58

De opoko baso'imo buhitnyo nu anu nahu'mo i balang aijo' binelesi'mo, saba' balang aijo' tionyo ahi' po'ule' obaso'i atina'je ka' osanggohimo binelesi'mo.

IMAMAT 16:24

Lantas ia tionyo ahi' mindi'mo i sa'angu' na tampat anu samata-mata tinantukanmo bau pindi'annyo ka' mompusokmo posi baju'nyo ahi'. Lapas aijo' tionyo ahi' ia mosabatmo ka' monsombahkon koloban anu opotunu bau pongampuni dosa'nyo ka' dosa' nu bansa Israel.

IMAMAT 16:4

Ka' mule' i Harun tionyo ahi' saja' mongintomakon atulan haha aiya. Ma'isa pe'e minsoop i Salipi' anu Susi' hondo ia tionyo ahi' mindii' pe'e lantas mompusok baju' nu imam, aijo'mo baju', saluan kodo', pombutu' ka' suluban, iwi-iwi' lenan na binau.

IMAMAT 22:6

Samian na imam maumo pa' apaa na monsaduakon sahingga mahumimi'mo, tataapmo mahumimi' sangkutnyo sinaa makakinsapmo. Ka' de sinaa moko pakakinsapmo ia ma'isa timbali mongkaan kaanon anu sinombahkonmo hi Tumpu de ia ma'isa pe'e mindii'.

NOMBILANGMO 6:3

madi' timbali monginum anggur ka' inumon anu molangui. Ia madi' timbali monginum mau mule' pa' apaa na inumon anu molangui anu bua' nu anggur na binau kabai bua' nu kau' sangga'at. Ia madi' timbali mongkaan bua' nu anggur anu mahamo ka' daagi' ma'ima' kabai anu nanggasmo, kabai maumo pa' apaa anu ingala mae i kau' anggur; batunyo kabai pe'e londiknyo madi' timbali ia mongkaan.

MARKUS 7:4

Apaa na anu ingoli i pasan madi' timbali okaan de ma'isa obaso'i pe'e imoona. Ka' manjoo' na atulan sangga'at nolengkat mae i mompolee' nu aha anu nunutoongi nu aha totu-totu'u; susumo mombaso'i galas, mangko', ka' to paka-pakakas tambaga.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

EFESUS 2:15

Atulan nu agama Yahudi tiba to pale-palentah, ka' anu nu atun nu atulan i hapusmo i Kristus da ohua' na bansa aijo' timbalimo sa'angu' na bansa mian bu'ou, anu nosa'angu'mo tiba Ia. Jalan aijo' na binau i Kristus bau pompodame.

PO'ULE' INGULIT 21:6

Lantas iwi-iwi' na polaya' anu lengkat mae i kota anu ohani hondo tionyo ahi' mombaso'i lima nu aha aita' i sapi' aijo',

PO'ULE' INGULIT 23:11

Salatan ohanimo malom ia tionyo ahi' mindi'mo ka' de sinaa makakinsapmo, ia timbalimo minsusule' i kemahnyo.

KOLOSE 2:16

Mokonyo aijo' boli mompojohok mian mompisala'i komiu mongkona kaanon kabai inumon, kabai mongkona sinaa daka' nu agama, kabai molame'akon bitu'on bu'ou, kabai mongkona sinaa nu Sabat.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

IBRANI 2:5

To mala-malaikat madi' nohumpak kuasa lengkat mae hi Tumpu Allah da mompalentah dunia bu'ou anu saidi' mae toka, aijo'mo dunia anu hau-haunyo obisalakonto aiya.

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

IBRANI 6:5

Aha nonsumbu'mo kalana apaa na hi anu sinumbu'mo nu aha aijo'mo potatae nu Tumpu aijo' ma'ima', ka' aha nongoa'imo to bala-balakat anu kinuasanmo nu kuasa anu tokaje mae.

IBRANI 7:12

Jadi, de pangkat nu to ima-imam o babali'i, atulan nu agama Yahudi suele tionyo o babali'imo ahi'.

IBRANI 7:16

Ia i hangkat tinimbali imam, misa' mimpu'u i to atu-atulan nu mian, panyo mimpu'u i kantumuu'annyo anu talalo hondo ko kuasanyo ka' anu madi' ko kamingkotannyo.

IBRANI 9:1

Palajanjian anu momona, daagi' ko to atu-atulannyo na monsombah Tumpu ka' daagi' suele ko tampat ponsomban anu binau nu mian.