IBRANI 9:1 - KITAB NU TUMPU ALLA LELE MA'IMAI'

¹ Palajanjian anu momona, daagi' ko to atu-atulannyo na monsombah Tumpu ka' daagi' suele ko tampat ponsomban anu binau nu mian.

IBRANI 9:1 ပူးပေါင်းရင်းမြစ်များ

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

YEHEZKIEL 43:11

Ka' salatan aha ma'ambangmo nunu saduakon nu palabuatan nu aha, atinaje' ka' poto'i mosia na montanga'i Laigan-Ku aiya na aha: potongannyo, iwi-iwi' na sabatannyo bau pinsoopan tiba posabatan, mosia na susunannyo nu laigan, iwi-iwi' na palentah tiba iwi-iwi' na atulannyo. Tulismo na iwi-iwi' aijo' da nu toongi nu aha da timbali nu toa nua aha ka' mompalahatikan mosia na mongatun iwi-iwi' aijo', ka' montuluti iwi-iwi' na atulannyo.

IMAMAT 18:30

Sahingga Tumpu notataemo, “Otuluti na atulan haha aiya anu Ku bee' ka' boli montiho palabuatan nu to mia-mian anu monjojoongi tano' nu Kana'an ma'isa pe'e kino belemiunyo. Boli oposi humimi'i na butong nu belemiu nu palabuatan haha aijo'. Akumo na Tumpu Allah nu belemiu.”

IMAMAT 22:9

Iwi-iwi' na imam tionyo ahi' montuluti atulan haha aiya anu binee'-Kumo. De madi', aha sala'mo ka' matemo kalana molanggaimo atulan haha aijo' anu susi'. Akumo na Tumpu, ka' Akumo na nontantukan aha da samata-mata mombau anu Ku palentahkon.

NOMBILANGMO 9:12

Boli opotuha' na kaanon haha aijo' sampe dodop subu, ka' buku nu binatang anu osombahkon hi beleng-Ku sa'angu' pe'e boli opato'. Lame'akon na Paskah aijo' susumo anu i uno nu atulannyo.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

IBRANI 8:13

Kalana mompoto'imo sa'angu na palajanjian' anu bu'ou, jadi Tumpu Allah nompotimbalimo palajanjian anu momona aijo' naluso'mo ka' madi'mo talalo ma'ima'; ka' apaa na anu naluso'mo tantu malia'mo lanyaap.

IBRANI 8:2

Ia mompojalan pangkatnyo salaku Imam Daka' i Salipi' anu Susi', aijo'mo i uno nu Kemah nu Tumpu anu Susi', anu pinotinjo nu Tumpu, misa' pinotinjo nu mian.

IBRANI 8:7

Bisuanyo madi' kinokakulangannyo na janji' anu momonanyo saba' madi'mo palalu mombau palajanjian anu ko ohua'nyo.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.