IBRANI 8:9 - KITAB NU TUMPU ALLA LELE MA'IMAI'

⁹ Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.

IBRANI 8:9 ပူးပေါင်းရင်းမြစ်များ

KAJADIAN 19:16

I Lot binimbangmo. Panyo Tumpu nongkalibosimo ia; kalana aijo' ua'aha na anu sinonso' aijo' nontuntunimo i Lot ka' bengkele'nyo ka' ua'aha na anaknyo nambamo i sambiha' nu kota.

AYUB 8:20

Panyo Tumpu Allah madi' toho' mompojohok mian anu tulu-tulutan, ka' madi' toho' suele ia montulungi mian anu uwesan.

MAZMUR 105:43

Sahingga i lame'mo na mian anu palesayamo hi Ia salatan binoa-Nyomo, to mia-mian anu pinile'an-Nyomo lewa'mo nolo ais.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

NOSABATMO 32:8

Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

NOSABATMO 34:10

Tumpu notataemo hi Musa, “Uuka aiya Aku mombaumo Palajanjian tiba bansa nu aha Israel. I ahop nu mata nu aha Aku mombaumo anu okabangangi anu ma'isa toho' binau i bansa mau pa' iyaya mae i dunia aiya. Iwi-iwi' na bansa montoaje Aku mombau anu okabangangi kalana Aku, Tumpu mombaumo apa-apaa na anu okabuhuk nu belemiu.

NYANYIAN ANU TALASANGGO 8:5

Ihe na aijo' anu tinokamo lengkat mae i padang anu mateges, natisehamo hi sindua'annyo? Ku bulaakon na beleyum male-male' i patu nu kau' apel, i tampat beleyum kinandung ka' pinohampe.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 41:13

Kalana Aku, Tumpu, Tumpu nu belemiu nontoongimo ‘lima koanan nu beleyum.’ ”

YESAYA 51:18

Anu atina' jojoong hi beleyum madi' ko anu nontaka aha, anu atina' jojoong hi beleyum madi' ko anu nontuntuni aha.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

MOHAANGI 4:16

Tumpu madi'mo daagi' mompalahatikan mian-Nyo anu palesayamo; posi ia mo na nongga'a-ga'atakon aha ka' nombau to ima-imam madi'mo daagi' o'angga'i; to pola-polaya' madi'mo ko anu mongkalibosi.

YEHEZKIEL 16:59

Tumpu Anu Matangkas na Kuasanyo notatae, “Beleyum Ku hukumo sitimbang tiba palabuatan nu beleyum, kalana beleyum madi'mo nontuluti anu sinumpa'akonmo nu beleka' mule' nolanggaimo palajanjian-Ku anu binaumo tiba beleyum.

AMOS 5:22

De belemiu momboa koloban anu otunui ka' koloban gandum, Aku madi' montalima. Aku madi' montalima to bina-binatang anu toto lompo-lompo' aijo' anu osombahkon nu belemiu hi belengku. Susumo koloban mompodame.

MALEAKHI 2:13

Ka' mule' daagi aiya na palabuatan sangga'at nu belemiu. Mezbah nu Tumpu i ngueeanmo nu belemiu nu lolu' nu mata; belemiu ihumangmo ka' tinumando'mo kalana Tumpu madi'mo daagi' nonsitujui nontalima iwi-iwi na koloban nu belemiu.

MARKUS 8:23

Sahingga i Yesus nontoongi lima nu mian mapisok aijo' ka' nontaka' ia i sambiha' nu kota aijo'. Lapas aijo' i Yesus nontupe'i mata nu mian aijo'. Ia nompanya nu lima-Nyo mata nu mian aijo', lantas nompokilawa hi ia, “Moko toamo apa-apaa na beleyum uuka aiya?”

SISIKON NU TO RASUL-RASUL 13:11

Uuka aiya toa, Tumpu mohukummo beleyum! Beleyum timbali mapisok, sampe beleyum to pia-pian sinaa madi' moko ala montoa jingka nu sinaa.” Tempo'mo aitu na i Elimas nongoa'i daagi' ko seehu' anu mo'itom mohuhubi matanyo, sahingga ia lumajang mahakawan molio mian da montaka' ia.

SISIKON NU TO RASUL-RASUL 7:36

I Musa ai-aijo'mo na polaya' nu bansa Israel nosabat lengkat i Mesir ka' nombau anu okabangangi tiba hahan anu ma'isa toho' tinimbali i Mesir, i Ambai anu Momea' ka' i padang ewa kinopinnyo patom pulu' na taun.

SISIKON NU TO RASUL-RASUL 9:8

Lantas i Saulus tinuminjo ka' nombuka' matanyo, panyo matanyo madi'mo daagi' noko ala nontoa apa-apaa. Jadi aha nontoongi limanyo ka' nontaka' ia ninsoop mokiijo' i Damsyik.

GALATIA 4:24

Aiya timbali opake sumo ande-andeon. Ua'aha na boune aijo', aijo'mo susumo ohua' na palajanjian: samian nolengkat mae i Bungkutnyo nu Sinai – aitumo i Hagar; to ana-anaknyo pinohampe salaku posaihon.

PO'ULE' INGULIT 29:1

Aiyamo na anu pinoto'i i uno nu palajanjian, ka' anu pinalentahkonmo nu Tumpu, ka' binaumo i Musa hi bansa Israel tempo'nyo kiijo' mae i tano' nu Moab. Palajanjian aijo' salaku bau pontuangi palajanjian anu binaumo nu Tumpu tiba aha i Bungkutnyo nu Sinai.

PO'ULE' INGULIT 29:12

Tumpu Allah nu belemiu nonjanji'mo hi belemiu ka' belemiu iwi-iwi' sinihukmo i aiya da montoongi palajanjian aijo' ka' mule' nongalamo palentah anu tionyo ahi' obau.

PO'ULE' INGULIT 29:25

Ka' taamnyo nu aijo', ‘Kalana aha nombaleko'imo palajanjian nu Tumpu, Tumpu Allah nu mompolee' nu aha; palajanjian anu binau-Nyo tiba aha tempo'nyo Ia nomboamo aha nosabat lengkat mae i Mesir.