IBRANI 8:5 - KITAB NU TUMPU ALLA LELE MA'IMAI'

⁵ Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”

IBRANI 8:5 ပူးပေါင်းရင်းမြစ်များ

1 TAWARIKH 28:12

I Daud mule' nombee'i iwi-iwi' na tanga'an anu pinile'annyomo anu bau popasannyo ka' mule' salipi'nyo titikup, ka' mule' to guda-gudang pompo'una'an talakanan anu opake i Laigan nu Tumpu aijo' ka' mule' to guda-gudang pompo'una'an apa-apaa na anu nu bee' nu mian hi Tumpu.

1 TAWARIKH 28:19

Lantas pinoto'imo i tomundo' Daud, “Iwi-iwi' aijo' i unomo nu tanga'an anu tinulismo susumo anu pinoto'imo nu Tumpu na sonto'nyo hi belengku da obau.”

NOSABATMO 25:40

Obala'ingati da tengke nu sulu' aijo' obau susumo sonto' anu pinotiju'-Kumo hi beleyum aita' i bawo nu bungkutnyo aiya.”

NOSABATMO 25:9

Kemah ka' posadiaonnyo tionyo ahi' nubau nu aha, susumo anu pinoto'imo ka' Ku potiju'je hi beleyum.”

NOSABATMO 26:30

Potinjo na Kemah aijo' mombatuki sumo anu pinotiju'Kumo aita' i bungkutnyo aiya.

NOSABATMO 27:8

Bau na mezbah pompake dopi' ka' lulu na sasu unonyo susumo anu pinoto'ingkumo aita' i bungkutnyo aiya.”

NOMBILANGMO 8:4

Tampat nu sulu' haha aijo' toka-toka mokiita', ka' pinombunga-bungainyo mosoni' na tinutuk susumo sonto' anu pinalentahkonmo nu Tumpu hi Musa.

MATIUS 2:12

Tumpu nompokinde'i hi aha i uno nu ipion da boli minsusule' hi Herodes. Jadi aha ninsusule'mo nontului jalan sangga'atan.

SISIKON NU TO RASUL-RASUL 7:44

Kemah katokaan nu Tumpu hi mian ola kiijo' hi mompolee'to i padang bone'. Kemah aijo' binau kalana palentah nu Tumpu hi Musa ka' mombatuki sonto' anu pinotoa nu Tumpu Allah hi Musa.

KOLOSE 2:17

Iwi-iwi' aijo' ola lolung nu hahan anu tokaje mae, panyo bukuti' nu hahan aijo', aijo'mo i Kristus!

IBRANI 10:1

Atulan nu agama Yahudi ola mombee'i gambalan anu opiha-pihau' mongkona han anu ma'ima' anu tokaje mae, misa' gambalan anu sahondo-hondonyo mongkona han aijo'. Atulan aijo' madi' moko ala mompokopiani mian anu toka monsombah Tumpu ka' momboa mae anu osombahkon, mau mule' sataun-toka sataun saja' monsombahkon kolobaan anu susumo aijo'.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 13:10

Kita daagi' ko mezbah sa'angu' bau ponsombahkonan koloban hi Tumpu. Ka' to ima-imam anu mokalaja i uno nu Kemah nu Tumpu, madi' ko hak mongkaan koloban anu aita' i bawo nu mezbah aijo'.

IBRANI 9:9

Aiya mongibalatakon tempo' uuka; alati'nyo saba' anu sola osombahkon ka' kolobaan binatang haha aijo' anu osombahkon hi Tumpu, madi' moko ala mompokopiani kinyonyoa nu mian anu momboa mae anu osombahkon.

YOSUA 22:28

Jadi anu okahanda'i mami aijo'mo: de lee' miu motatae sumo aijo' saba' lee' mami timbali motatae, 'Toa na mezbah aijo'! Mompolee' mami nompotinjomo sa'angu' na mezbah nu Tumpu, misa' da bau ponsombahkonan koloban anu opotunu kabai koloban anu osombahkon, panyo da bau tanda hi kita sambiha' ka' sambiha'.'

ANU PINOTO'I HI YOHANES 15:5

Lapas aijo' aku nontoamo Laigan nu Tumpu i suluga' tinontuhea'mo, ka' Kemah nu Tumpu kiijo' i unonyo.