IBRANI 8:10 - KITAB NU TUMPU ALLA LELE MA'IMAI'

¹⁰ Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

IBRANI 8:10 ပူးပေါင်းရင်းမြစ်များ

NOSABATMO 24:4

Lapas aijo' i Musa nontulismo iwi-iwi' na palentah nu Tumpu. Dodododopnyo subu-subu pinotinjonyomo na mezbah sa'angu' tiba sampulu' ka' ohua' na batu i tengke nu bungkutnyo aijo'; toto sa'angu' na batu mowakini sala'sa'angu' na bansa Israel.

NOSABATMO 24:7

Lapas aijo' ingalanyomo na kitab palajanjian anu pinontulisan to pale-palentah nu Tumpu ka' binasa'nyomo daka-daka' hi bansa aijo'. Aha notataemo, “Kami montulutimo Tumpu ka' iwi-iwi' na palentahnyo obaumo mami.”

NOSABATMO 34:1

Lapas aijo' Tumpu notataemo hi Musa, “Pompa'at ohua' na kobakan nu batu susumo anu u'utu mae. I batu aijo' Ku tulisje na potatae susumo i batu anu tinumpakonmo nu beleyum aijo' da nobiha'.

NOSABATMO 34:27

Tumpu notatae hi Musa, “Tulis na potataeng-Ku aiya, kalana tiba potatae aijo' Aku mombaumo palajanjian tiba beleyum ka' tiba bansa Israel.”

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

YEHEZKIEL 37:27

Aku jojoongmo tiba aha, Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEHEZKIEL 39:22

Mulai aijo' nu sumbu'je nu aha Israel taalu' Akumo ahi' na Tumpu nu aha.

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

MATIUS 22:32

‘Akumo na Tumpu i Abraham, Tumpu i Ishak, ka' Tumpu i Yakub.’ Tumpu aijo' misa' Tumpu nu mian mate. Ia Tumpu nu mian tumuu'!”

ROMA 11:27

Aku binajanji'mo salaku bau pontoongingku aha tempo'nyo Aku nongampunimo to dosa-dosa' nu aha.”

1 KORINTUS 6:16

Kabai ugaat komiu ma'isa monsumbu', mian anu nogalumo tiba samian anu masala' inosa'angu'mo tiba mian anu masala' aijo'! Kalana i uno nu Kitab nu Tumpu tinulismo, “Ohu-ohua' na aha nosa'angu'mo”.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.