IBRANI 7:5 - KITAB NU TUMPU ALLA LELE MA'IMAI'

⁵ I uno nu atulan nu agama Yahudi tinantukanmo saba' to ima-imam tulunan nu aha Lewi tionyo mongala sambagian hi anu binagimo sampulu' na hasin nu polioan nu aha mian nu Israel, aijo'mo posi to utu-utus nu aha, mau mule' aha bubuu' tulunan mae i Abraham.

IBRANI 7:5 ပူးပေါင်းရင်းမြစ်များ

KAJADIAN 35:11

Lantas po'ule' notatae na Tumpu Allah, “Akumo na Tumpu Allah Anu Daka' hondo na kuasanyo. Pinganakmo na beleyum ka' milee' manjoo'. Beleyum molee'akonmo to bansa-bansa ka' timbalimo tuuma nu mompolee' nu to tomu-tomundo'.

KAJADIAN 46:26

Lee' mae i Yakub anu namba nokiijo' i Mesir iwi-iwi' konjoo'nyo anompulu ka' anom na mian, madi' minsoop na to moni-moniannyo.

1 TOMU-TOMUNDO' 8:19

Panyo', misa' beleyum panyo' anakje nu beleyum na mombau Laigan-Ku aijo'.

NEHEMIA 13:10

Ka' mule', sinumbu'kumo taalu' to mia-mian anu mompahaikakon musik ka' to mia-mian nu Lewi nompala'imo Yerusalem ka' po'ule'mo ninsusule' i ale' nu aha toto samian, kalana mian da'isan madi' momposukupakon apa-apaa na anu nupalalui nu aha.

NOSABATMO 1:5

Lee' i Yakub aijo' iwi-iwi' konjoo'nyo aha pitumpulu' na mian. I Yusuf imoonamo kiijo' mae i Mesir.

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOMBILANGMO 18:7

Panyo ola beleyum tiba to ana-anak nu beleyum na timbali mombau pakalaja'an salaku imam, i pakalaja'an iwi-iwi' anu ko tuusanannyo tiba mezbah ka' apaa na anu kiijo' i Salipi' anu Susi' hondo. Aijo' na anu tionyo ahi' nu bau, kalana Aku nombee'imo belemiu pangkat salaku imam. Batu-batu mian anu madi' ko hak aijo' o hukum mate de mongohanimo balang haha aijo' anu susi' hondo aijo'.”

PO'ULE' INGULIT 26:12

De tokamo na taun kototolu'nyo, belemiu tionyo ahi' mombee'mo palasombahan, aijo'mo sambagian anu o ala i sampulu' na bagian na isi nu ale' nu belemiu ka' obee' hi mian nu Lewi, mian anu lengkat mae i salipu'an, to ana-anak anu madi'mo ko tuuma ka' tinanyo tiba anu balu, sahingga i kota-kota nu belemiu mohumpak kaanon anu nupalalui nu aha. De lapasmo,

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

IBRANI 7:10

Mau mule' aha Lewi ma'isa pe'e i hampe, panyo timbali otaloakon ia kiijo'mo i uno nu butong i Abraham mompolee'nyo, tempo'nyo i Melkisedek siningkabotmo tiba i Abraham.