IBRANI 7:13 - KITAB NU TUMPU ALLA LELE MA'IMAI'

¹³ Anu nupatui nu sisik aiya aijo'mo Tumpunto: Ia nolengkat mae i tulunan sangga'at ka' ma'isa toho' kino samian pe'e na tulunan-Nyo binapangkat susumo imam.

IBRANI 7:13 ပူးပေါင်းရင်းမြစ်များ

NOMBILANGMO 16:40

Aijo' baumo pompo'ingat bansa Israel saba' de misa' lee' i Harun madi' timbali ko samian pe'e toka i mezbah da mompapu kamangian ka' osombahkon hi Tumpu. Mian anu molanggai atulan aijo' opateimo susumo i Korah tiba anu monsangaja'imo ia. Iwi-iwi' aijo' binaumo susumo anu pinalentahkonmo nu Tumpu hi Musa ka' pinoto'inyomo hi Eleazar.

NOMBILANGMO 17:5

Tokon nu mian anu Ku pile'imo atina' minsumpemo. Tiba jalan anu sumo aijo', Ku pobelentimo na pososon nu to mia-mian anu saja' monsosoli belemiu.”

IBRANI 7:11

Tempo'nyo to ima-imam Lewi nompalentah, atulan nu agama Yahudi binee'mo hi mian Israel anu palesayamo. Kalana to ima-imam Lewi naipuan mae aijo' madi' moko ala mombau apaa na anu tionyo nubau nu aha ma'i-ma'ima', jadi tionyo ko imam sangga'at, aijo'mo anu sumo i Imam Melkisedek, ka' misa'mo anu lengkat mae i gombuan nu Imam Harun!

IBRANI 7:12

Jadi, de pangkat nu to ima-imam o babali'i, atulan nu agama Yahudi suele tionyo o babali'imo ahi'.

IBRANI 7:14

Iwi-iwi' na mian monsumbu' saba' Tumpunto nolengkat mae i tulunan nu Yehuda; ka' i Musa madi' toho' nonsanggo tulunan aijo' tempo'nyo ia nombisalakonmo to ima-imam.