IBRANI 7:11 - KITAB NU TUMPU ALLA LELE MA'IMAI'

¹¹ Tempo'nyo to ima-imam Lewi nompalentah, atulan nu agama Yahudi binee'mo hi mian Israel anu palesayamo. Kalana to ima-imam Lewi naipuan mae aijo' madi' moko ala mombau apaa na anu tionyo nubau nu aha ma'i-ma'ima', jadi tionyo ko imam sangga'at, aijo'mo anu sumo i Imam Melkisedek, ka' misa'mo anu lengkat mae i gombuan nu Imam Harun!

IBRANI 7:11 ပူးပေါင်းရင်းမြစ်များ

GALATIA 2:21

Aku madi' mongoa'i dengke na balakat nu Tumpu. De pompahasumbu'an nu mian tiba Tumpu mompo'ule'mo ma'ima' kalana mompojalan atulan nu agama, aijo' alati'nyo, i Kristus sinilaka madi' kino gunanyo!

GALATIA 4:3

Sumo aitumo tiba kita: De kita ma'isa tu'anyo, kita nubotuani nu to roh-roh anu mongkuasai dunia aiya.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

IBRANI 5:10

ka' Tumpu suele nompoto'imo Ia aijo' salaku i Imam Daka' susumo i Imam Melkisedek!

IBRANI 5:6

I tampat sangga'at Tumpu suele notatae, “Beleyumo na Imam Daka' sampe toka sidu-sidutu', susumo i Imam Melkisedek.”

IBRANI 6:20

I Yesus nombuka'mo jalan mamba i tampat aijo' bau kajalananto ka' ninsoopmo nokiita' binaumo Imam Daka'to sampe toka sidu-sidutu', susumo i Imam Melkisedek.

IBRANI 7:10

Mau mule' aha Lewi ma'isa pe'e i hampe, panyo timbali otaloakon ia kiijo'mo i uno nu butong i Abraham mompolee'nyo, tempo'nyo i Melkisedek siningkabotmo tiba i Abraham.

IBRANI 7:12

Jadi, de pangkat nu to ima-imam o babali'i, atulan nu agama Yahudi suele tionyo o babali'imo ahi'.

IBRANI 7:13

Anu nupatui nu sisik aiya aijo'mo Tumpunto: Ia nolengkat mae i tulunan sangga'at ka' ma'isa toho' kino samian pe'e na tulunan-Nyo binapangkat susumo imam.

IBRANI 7:15

Anu sinisik aiya timbali lebe talang mule', kalana samian na imam sangga'at tinokamo anu sumo i Melkisedek.

IBRANI 7:21

Panyo i Yesus i hangkat binau imam sinumpa', tempo'nyo Tumpu notataemo hi Ia, “Tumpu binasumpa'mo, ka' Ia madi' mongabali' na kahanda'-Nyo, ‘Beleyum atina'mo na imam sampe toka sidu-sidutu'.’ ”

IBRANI 8:7

Bisuanyo madi' kinokakulangannyo na janji' anu momonanyo saba' madi'mo palalu mombau palajanjian anu ko ohua'nyo.

IBRANI 9:6

Sumo aijo' na nongatun iwi-iwi'. Toka sansina-sinaa to ima-imam minsoop i unonyo sasu ahopnyo nu kemah aijo' mombau kalaja nu aha.