IBRANI 6:9 - KITAB NU TUMPU ALLA LELE MA'IMAI'

⁹ Panyo to utu-utus anu okanonongi, mau mule' kami motatae sumo aijo', panyo opalesaya hondo mami na komiu. Opalesaya mami totu-totu'u kalana komiu nontalimamo hahan anu lebe ma'ima', aijo'mo to bala-balakat anu tinimbalimo kasalamatan nu belemiu.

IBRANI 6:9 ပူးပေါင်းရင်းမြစ်များ

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

MARKUS 16:16

Mian anu madi' palesaya o hukum. Panyo mian anu palesaya o palamandikan, da salamat.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

1 KORINTUS 10:14

Mokonyo aijo', to Utu-utus anu ku ku kalibosi, tionyo ahi' komiu mongka'ideki monsombah pilogot.

2 KORINTUS 12:19

Kugantang komiu monsangka kami sumo uukamo na kopinnyo na binala usaha mompototu'u butong i ahop miu? Komiu madi' monsumbu' hondo! Tumpu monsumbu' saba' iwi-iwi' na anu tinaloakonmo mami aijo' mombatuki pongka'oho' i Kristus. Ka' iwi-iwi' na anu binaumo mami aijo', mombee'i pikilan da kapalesaya'an miu ko pintu-pintuangnyo.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

2 KORINTUS 7:10

Kalana kalibosan anu sumo aijo' sahingga kinyonyoa nongabali'mo ahennyo oposalamatmo. Ka' mian madi' ko mompele-pele' i han aijo'. Sumo aitu mule' kalibosan anu ola mombatuki kahanda' nu mian monsaduakon kapatean.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

2 PETRUS 3:1

To utu-utusku anu okanonongi! Aiyamo na sulatku anu ko ohua'nyo toka hi belemiu. I uno nu sulat ko ohua'nyo aiya, aku kahanda' mompolubat pikilan-pikilan anu ma'ima' hi belemiu.

1 YOHANES 2:7

To Utu-utus anu okanonongi! Anu ku tulis aiya misa' sa'angu' na palentah anu sala'je. Aiya palentah anu pininmo anu pinotokamo hi belemiu salatanmo pe'e komiu nontampu'unimo pinalesaya hi Kristus; aijo'mo lele anu lengkat mae hi Tumpu Allah anu noko hongomo miu momonanyo.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.