IBRANI 6:8 - KITAB NU TUMPU ALLA LELE MA'IMAI'

⁸ Panyo de tano' aijo' mohasinakon to pada-padang ka' anu tumuu' kohii'nyo, saba' tano' aijo' madi' ko gunanyo ka' saidi' mae nu kutukimo nu Tumpu ka' ahennyo opapui sampe mingkot.

IBRANI 6:8 ပူးပေါင်းရင်းမြစ်များ

KAJADIAN 4:11

Beleyum kinutukanmo sahingga madi'mo moko ala mongusahakon tano'. Tano' aijo' nonsosopmo baso' nu utus ise' nu beleyum sumomo nonganga'akon nganga'nyo montalima baso' nu utus ise' nu beleyum salatan beleyum nompateimo ia.

KAJADIAN 5:29

I Lamekh notataemo, “Anak aiya na saidi' mae montulungi kita de tahahumo na mokalaja, mongusahakon tano' anu kinutukan mo nu Tumpu.” Kalana aijo' sinanggoahanmo i Lamekh na anak aijo' i Nuh.

2 SAMUEL 23:7

mau pe'e samian madi' ko anu mongka'oho' mongkanyang ia de madi' mompake kau' kabai besak. Mian haha aijo' nohopu'mo tinoyo'an nu apu.

AYUB 31:40

bakasmo da misa' jelai ka' gandum na tumuu' i ale', panyo hemput anu ko hi'nyo ka' padang.” Olamo sumo uuka na tinaeakon i Ayub.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

YESAYA 27:4

Aku madi'mo daagi' motambuha'. De bisuanyo ko hemput kabai kuhat anu ko hii'nyo, Aku na mompatei ka mompapui sampe mingkot.

YEREMIA 17:6

Ia sumomo ahi' sosu'anon anu tumuu' ipadang tampat anu loas, itano' anu kuunmo, ka' iliingmo ka' nintimusonmo madi'mo toho' nongoa'i ka'ima'an.

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEHEZKIEL 20:47

Soba palentah na alas aijo' da mompotombihing mae apaa na anu Ku taloakon hi aha, Aku, Tumpu Anu Matangkas na Kuasanyo, notataemo hi aha, ‘Soba potombihing mae! Aku momposunmo apu da pompapuimo sampe mingkot na to kau-kau' anu itina' hi beleyum, mau anu inanggasmo kabai anu daagi' mata'. Apu anu timbuhukanmo aijo' madi'mo daagi' opoko ala opatei. Ia mokaanmo lengkat mae isasu salatan ka' mambamo isasu utara ka' iwi-iwi' na mian mongoa'imo panasnyo.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

MATIUS 7:19

Batu-batu kau' anu madi' mohasinakon bua' anu ma'ima' o taa' ka' o papui.

MARKUS 11:14

Lantas i Yesus notatae i pu'unnyo aijo', “Mulai tempo' u'uka madi'mo daagi' ko samian na anu mongkaan bua'um!” Anu saja' mombatuki Yesus nohongomo potatae aijo'.

MARKUS 11:21

Lantas i Petrus tinolo inau' i kajadian sansinaan anu ma'isa pe'e han aijo' jinadi. Sahingga i Petrus notatae hi Yesus, “Tuumangku Gulu', soba toa! Kau' ara anu kinutukan nu kita Tuuma, i nanggasmo!”

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

IBRANI 12:17

Osumbu' miu saba' ilapas mae i Esau kino kahanda'mo da mohumpak balakat aijo' hi tuumanyo, panyo ia madi'mo tinalima. Kalana maumo i humaang na ia nolio jalan mompokopiani kasala'annyo, madi'mo daagi' ko kasampatan da mohumpak han aijo'.

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.