IBRANI 6:7 - KITAB NU TUMPU ALLA LELE MA'IMAI'

⁷ Tano' anu monsosop uee nu ujan anu toto minsan tudun i bawonyo, lantas mohasinakon to sosu-sosu'anon anu mingguna hi mian anu mokalaja, tano' aijo' binalakatanmo nu Tumpu.

IBRANI 6:7 ပူးပေါင်းရင်းမြစ်များ

KAJADIAN 1:11

Tumpu notatae mule', “Tionyo ahi' ko anu tumuu' i tano' iwi-iwi' na ngahannyo nu anu tumuu', aijo'mo ngahan nyo nu anu mohasinakon anu ko batunyo ka' ngahan nu anu mohasinakon anu ko bua'nyo”. Lantas han aijo' tinimbalimo.

KAJADIAN 27:27

Salatan i Yakub nongohanimo kahanda'mo mongooki ia, i Ishak nongookmo nohong nu baju' i Esau, lantas binalakatannyomo na ia. Koonyo i Ishak, “Nohong nu anakku ma'i-ma'ima' sumomo nohong nu padang anu binalakatanmo nu Tumpu.

MAZMUR 126:6

Mian anu mamba motugan bine' i ale'nyo ka' nonjujuhakonmo lolu'nyo. Ia minsusule' mae lame'mo ka' manyanyimo momboamo mae timpasnyo nu pae anu pinadakmo.

MAZMUR 24:5

Iamo na anu nu balakati ka' nuposalamat nu Tumpu, ka' anu nupoto'imo nu Tumpu Allah na ia madi' ko kasala'annyo.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

HOSEA 10:12

Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

IMAMAT 25:21

I taun ko anomnyo Tumpu mombalakatije tano' sahingga hasinnyo nu sukupi totolu' na taun.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

MATIUS 7:8

Kalana mian anu momoita tionyo montalima; mian anu molio tionyo mohumpak; ka' mian anu mongkutetek tionyo o tuhea'akon na pontumban.

2 TIMOTIUS 2:6

Anu topo ale', anu mokalaja totu-totu'u iamo na momonanyo ko hak mohumpak hasin anu sinu'annyo.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.