IBRANI 6:19 - KITAB NU TUMPU ALLA LELE MA'IMAI'

¹⁹ Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.

IBRANI 6:19 ပူးပေါင်းရင်းမြစ်များ

MAZMUR 39:7

kantumuu'annyo ola saintomboliu susumo lolung. Iwi-iwi' na anu nu kalaja madi' mingkaliangan; ia montambun halata', panyo madi' nu sumbu' pa' ihe na mompalagunakon.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 42:5

Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

MAZMUR 43:5

Kadaka' kinyonyoangku sinusa'mo ka' madi'mo tinatap? Aku montaha'imani Tumpu, sahingga aku daagi' ahi' montalima kaseh hi Ia, hi Tumpungku ka' anu momposalamat aku.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

IMAMAT 16:15

Lapas aijo' i Harun tionyo ahi' mongkolotmo mee' bau koloban pongampuni dosa' nu aha mian Israel. Baso' nu mee' aijo' tionyo ahi' nu boa i Salipi' anu Susi' hondo, lantas opipi'akonmo i sasu ahop nu kolop nu Peti' Palajanjian aijo', ka' i ahop nu Peti', susumo anu binaunyomo i baso' nu sapi' lakinyo.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

ZAKHARIA 9:12

Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

MATIUS 27:51

Lalanse' anu pinosegot i uno nu Laigan nu Tumpu, nobeak tinimbali ohua', lengkat i buannyo tinoka i aluknyo. Dunia ginayu'an, ka' to bungku-bungkutnyo nu batu nobiha-biha'.

SISIKON NU TO RASUL-RASUL 23:6

I Paulus nontoa saba' sambagian aijo' na to pangka-pangkat nu Mian Kopian Daka' nu Agama aijo', aitumo lengkat hi to mia-mian nu Saduki ka' sambagian mule' lengkat hi aha to mia-mian nu Farisi. Kalana aijo' ia notatae hi Mian Kopian Daka' nu Agama aijo', “To Utu-utus! Aku mian nu Farisi, lee' nu mian Farisi. Aku pinutusanmo i aiya kalana aku palesaya saba' to mia-mian mate po'ule' opotumuu'.”

SISIKON NU TO RASUL-RASUL 27:29

Aha mabuhuk boli-boli kapan aijo' tosasa i batu gahanggan. Jadi aha nonguluakon opat na tapu anu i sasu mboyok nu kapan, ka' nongamalakon de timbali lia-lia' mae maliana.

SISIKON NU TO RASUL-RASUL 27:40

Sahingga to sego-segot nu tapu binotu'an, lantas tapu haha aijo' pinojohokmo tonu' i ambai. Nohingga-hinggat tiba aijo' aha nombukaimo kahohon anu pinonsegoti iwi-iwi na kamudi. Lapas aitu aha nohangkatmo kadut i sasu ahop nu kapan da baleba' momboa kapan aijo' modensu' mompatui biwi nu bone'.

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

ROMA 4:18

I Abraham ola saja' taha'iman ka' palesaya mau mule' madi'mo nupoko ala nu butongnyo. Kalana aijo' ia tinimbali tuuma nu manjoo' na bansa. Sumo tinulis i uno nu Kitab nu Tumpu, “Lee'um timbali da'isan hondo.”

ROMA 5:4

ka' tapakuunan mombau mian moko tahan ujian; aijo'mo na mompokododo kinyonyoa taha'iman.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

EFESUS 2:6

Kalana kita nosa'angu'mo tiba i Kristus Yesus, Tumpu nompo'ule'mo nompotumuu' kita hingga-hinggat tiba Ia, da kita mompalentah suele hingga-hinggat tiba Ia i uno nu suluga'.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 3:1

Komiu po'ule'mo pinotumuu' hingga-hinggat tiba i Kristus. Mokonyo aijo' tionyo ahi' komiu bala usaha da mohumpak hahan anu i suluga', anu kiita' mae na i Kristus mompalentah hingga-hinggat tiba Tumpu.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

IBRANI 9:3

I sasu unonyo, anu i hiku nu lalanse' anu ko ohua'nyo, daagi' ko salipi'nyo anu osanggohi Salipi' anu Susi' hondo.

IBRANI 9:7

Anu minsoop i uno nu kemah anu kiijo' hondo-hondo i unonyo nu kemah aijo', ola Imam Daka'. Ia mombau kalajanyo ola minsan sataun. Aijo' nu kalaja momboa baso' da osombahkon hi Tumpu kalana dosa' nu butongnyo ka' kalana to dosa-dosa' anu madi' sangaja' na binau nu mian anu palesayamo hi Tumpu.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.