IBRANI 6:18 - KITAB NU TUMPU ALLA LELE MA'IMAI'

¹⁸ Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

IBRANI 6:18 ပူးပေါင်းရင်းမြစ်များ

KAJADIAN 19:22

Malia-lia' popalaimo! Kalana aku ma'isa timbali mombau apa-apaa de belemiu ma'isa pe'e toka kiijo' mae.” Kalana i Lot nonsanggohimo kota aijo' ise', sahingga kota aijo' sinanggohanmo Zoar.

1 TOMU-TOMUNDO' 2:28

Salatan i hongomo i Yoab na anu jinadimo aijo' ia nabuhukmo kalana ia nonsangaja'imo i Absalom. Sahingga ia nopalaimonamba i kemah nu Tumpu ka' nontoongi iwi-iwi' na pasu'nyo nu mezba.

MAZMUR 110:4

Tumpu binajanji' sinumpa'akon, Ia madi'mo timbali mompojalo janji'-Nyo. “Belentomo na imam sampe toka sidu-sidutu', sumomo i Melkisedek.”

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

AMSAL 3:18

Mian anu mintoong dodo-dodo i kapandean bapikin saidi' mae mongoa'ije kantumuu'an anu sahondo-hondonyo ka' ma'ima'.

AMSAL 4:13

Saja' o'inau' na pangajalan anu i humpakmo nu beleyum hi belengku. Ojaga na aijo' ima-ima' kalana tiba pangajalan aijo' kantumuu'an nu beleyum mingkalianganmo.

YESAYA 27:5

Panyo de aha anu monsampobali' mian anu palesayamo hi beleng-Ku molio da Ku jagai na aha, sahanyo aha baladamemo tiba Aku, sampamo, baladame tiba Aku.”

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 56:4

Tumpu notatae hi aha, “De belemiu mompahatikan sinaa nu Sabat, de belemiu tulu-tulutan ahi' i palajanjian-Ku ka' mombau apaa na anu moko sanang kinyonyoang-Ku,

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

ZAKHARIA 9:12

Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

ROMA 15:5

O amalakon hi Tumpu anu nombee'i da sabaan ka' bau pohaase hi mian, montulungi komiu da tumuu' sambuku montuluti sonto' i Kristus Yesus.

ROMA 3:25

Tumpu nongkolobanakonmo i Yesus Kristus, da kalana Ia sinilaka aijo' mian natantumo pinobebasmo i kasala'an de aha palesaya hi Ia. Tumpu nombau sumo aijo' da mompotoa ka'adinan-Nyo. Kalana tempo' anu i hikuhakonmo Tumpu nonsabalakonmo dosa-dosa' nu mian, sahingga Ia madi' nohukum aha.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

FILIPI 2:1

Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TIMOTIUS 1:1

Timotius, anakku anu totu-totu'u palesayamo hi Tumpu! Sulat aiya lengkat hi belengku i Paulus, rasul i Kristus Yesus anu pinalentahmo nu Tumpu, Pomposalamat kita ka' palentah i Kristus Yesus anu otaha'imaninto. O'amalakon da Tumpu Tuumanto ka' i Kristus Yesus Tumpunto mombee'i balakat, kalibosan ka' ka'ima'an hi beleyum.

1 TIMOTIUS 6:12

Bala usaha totu-totu'u da tumuu' sumo mian Kristen da beleyum mohumpak tambo tumuu' kopian sampe toka sidu-sidutu'. Kalana aijo'mo na kahanda' nu Tumpu molaga beleyum tempo'nyo beleyum nongakuimo i ahop nu mian da'isan tukooyum palesayamo hi Kristus.

2 TIMOTIUS 2:13

De kita madi'mo tulu-tulutan, Ia tataap mongkanonongi, kalana tanga'an-Nyo madi' timbali madi' pokakana tiba tanga'an nu butong-Nyo.”

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

IBRANI 3:11

Aku pinusamo ka' binasumpa'mo, ‘Aha madi' timbali minsoop i lipu' aijo' da mohumpak kajojoongan tiba Aku.’ ”

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 6:17

Tumpu ko kahanda' lebe momponasa hi to mia-mian anu nontalimamo janji'-Nyo, tukoonyo Ia madi'mo mombali'i anu ingatun-Nyomo. Aijo' na sababnyo pinaka tuangan-Nyomo na sumpa'nyo anu jinanji'-Nyomo aijo'.

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

IBRANI 7:21

Panyo i Yesus i hangkat binau imam sinumpa', tempo'nyo Tumpu notataemo hi Ia, “Tumpu binasumpa'mo, ka' Ia madi' mongabali' na kahanda'-Nyo, ‘Beleyum atina'mo na imam sampe toka sidu-sidutu'.’ ”

YOSUA 20:3

Mian anu mompatei mian sangga'at panyo madi' tinotonggolakon, timbali malai mamba i kota aijo', da boli opatei nu mian anu ko kahanda' mombalosakon hi ia.

1 YOHANES 1:10

Panyo de kita motatae tukoonto, kita madi' baladosa', kita monsangkamo au'aitu Tumpu baleko', ka' kita madi' mompo'una' potatae nu Tumpu i kinyonyoanto.

1 YOHANES 5:10

Kalana aijo', mian anu palesayamo hi Anak nu Tumpu nontalimamo anu sinakisian aijo' i uno nu kinyonyoanyo; panyo mian anu madi' mompalesaya Tumpu, mombata-bataimo au'aitu Tumpu baleko', kalana ia madi' palesaya apaa na anu pinoto'imo nu Tumpu mongkona Anak-Nyo.

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”