IBRANI 6:14 - KITAB NU TUMPU ALLA LELE MA'IMAI'

¹⁴ Ia notatae, “Aku bajanji' mombalakatije beleyum ka' mompotimbalije lee' nu beleyum timbali manjoo'!”

IBRANI 6:14 ပူးပေါင်းရင်းမြစ်များ

KAJADIAN 17:2

Aku mombaumo palajanjian tiba beleyum ka' mombee'imo lee' manjoo'.”

KAJADIAN 22:16

“Tumpu notatae: Aku basumpa' hi posi sanggong-Ku, kalana beleyum nombaumo han aiya ka' madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 48:4

Ia notatae hi belengku, “Ku bee'ije na beleyum makumpu manjoo', da lee' nu beleyum timbali bansa anu manjoo'; Ku bee'mo na lipu' aiya hi lee' nu beleyum da ahamo na tumpunyo sampe toka sidu-sidutu'.”

NEHEMIA 9:23

Pinotimbalimo nu Belento na lee' nu aha, susumo mandala' haha aita' i langa na konjoo'nyo. Binee'anmo nu Belento na aha tano' da bau kajojoongan nu aha, tano' anu jinanji'mo nu Belento hi mompolee' nu aha.

NOSABATMO 32:13

Inau'akon mae na to posa-posaihon nu belento i Abraham, Ishak ka' i Yakub. O inau' nu belento binalajanji'mo ka' binasumpa'mo mombee'i aha lee' konjoo'nyo sumo mandala' i langit ka' mule' iwi-iwi' na tano' anu jinanji'mo nu belento aijo' timbalimo anu nu lee' nu aha na tumpunyo sampetoka sidu-sidutu'.”

GALATIA 3:18

Kalana de anu binee'mo nu Tumpu mimpu'u i atulan nu agama, saba' anu binee'mo aijo' misa'mo anu jinanji'. Panyo kalana Tumpu noko janji'mo hi Abraham, sahingga Tumpu nombee'mo aijo' hi ia.

PO'ULE' INGULIT 1:10

Tumpu Allah miu nombaumo komiu nintuang susumo mandala ilangit na konjo'nyo.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.