IBRANI 6:12 - KITAB NU TUMPU ALLA LELE MA'IMAI'

¹² Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

IBRANI 6:12 ပူးပေါင်းရင်းမြစ်များ

AMSAL 12:24

Mokalaja makeke mompotimbali mian da balakuasa; moluluk mompakisa mian da timbali posaihon.

AMSAL 13:4

Anu moluluk manjoo' na anu nu ka'ima'i panyo sa'angu' pe'e madi' ko anu nu humpak; panyo mian anu makeke mokalaja mohumpak apaa na anu nu ka'ima'i.

AMSAL 15:19

Mian anu moluluk saja'mongoa'i kasusa'an; panyo mian anu madi' tageo' na kinyonyoanyo madi mohumpak kasusa'an.

AMSAL 18:9

Mian anu madi' mombau pakalaja'annyo pokakana na ko ideknyo tiba mian anu mongka'ima'i mongidei.

AMSAL 2:20

Kalana aijo', o anakku, batukimo na sonto' nu mian anu talakana', ka' tumuu'mo mombatuki pongka'oho' nu Tumpu Allah.

AMSAL 26:14

Susumo tumban lewa' tontoyong i hensennyo, sumo aijo'mo na anu moluluk mombali-balikakon butongnyo i kamale'annyo.

AMSAL 28:10

Ihe na pagala monsale'i mian anu madi' tageo' na kinyonyoanyo da mombau anu ma'idek, ia saidi mae minsoop mo i uno nu so'o. Mian anu belesi' na kinyonyoanyo saidi mae obalakati, sahingga mohumpakmo kantumuu'an ma'ima'.

NYANYIAN ANU TALASANGGO 1:8

Toho' mule' na beleyum monsumbu' tampatnyo, o anu handa anu aijo' hi aha to bou-boune? Batukimo na kalajangan nu gombuan nu domba, ka' olaya' na to memee' nu beleyum koko pinombauan kemah nu anu molaya'.

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

MATIUS 22:32

‘Akumo na Tumpu i Abraham, Tumpu i Ishak, ka' Tumpu i Yakub.’ Tumpu aijo' misa' Tumpu nu mian mate. Ia Tumpu nu mian tumuu'!”

MATIUS 25:26

‘Beleyum posaihon anu ma'idek ka' moluluk!’ koonyo nu tuan aijo'. ‘Te misa' sinumbu'mo nu beleyum na aku mompadak bua'nyo i tampat anu madi' sinu'ananku, ka' mongala hasinnyo i tampat anu madi' sinau'anku bine'?

LUKAS 16:22

Mian kasiasi aijo' imihinyo mae natemo, lantas binoa nu malaikat i tampat anu ko angga'nyo i sohipi' i Abraham i suluga'.

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

ROMA 12:11

Makeke na mokalaja. Boli moluluk. Mombau kalaja nu Tumpu o bika-bikasakon nu Roh nu Tumpu na mokalaja.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 4:12

I Abraham mule' tuuma i uno nu kapalesaya'an bagi nu to mia-mian anu mombatuki atulan nu sunat. Ia tuuma nu kapalesaya'an nu aha misa' ola kalana aha mombatuki atulan nu sunat, panyo mule' kalana aha tumuu' palesaya hi Tumpu, pokakana i Abraham tempo'nyo ia ma'isa pe'e nombatuki atulan nu sunat.

2 TESALONIKA 1:4

Mokonyo aijo' kadaka' kami saja' monsisik komiu, de kami mambamo molenga to jama-jama'at nu Tumpu. Obuulakon kami na monsisik mosia na komiu tataap mahoson na palesaya hi Kristus i uno nu ponsakisa'an ka' kasansala'an anu ingoa'anmo miu.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

IBRANI 11:33

Kalana bala'iman, sahingga aha nompatundu'mo iwi-iwi' na kalaja'an. Aha nombaumo anu totu'u imata nu Tumpu, sahingga nohumpakmo apaa na anu jinanji'mo nu Tumpu. Ginunggumanmo nu aha na nganga' nu to singa-singa,

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

IBRANI 5:11

Mongkona pangkat i Yesus salaku Imam Daka', manjoo' na palalu opoto'i mami hi komiu, panyo mahan na montutuhakon kalana komiu madi' sampa' mangalati.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

YAKOBUS 1:3

Kalana osumbu' miu, de komiu tataap palesaya hi Tumpu tempo'nyo nongoa'imo soba'an, ahennyo: komiu timbalimo sabaan.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

1 YOHANES 2:25

Ka' aiyamo na anu jinanji'mo i Kristus hi kita: Tumuu' kopian ka' sampe toka sidu-sidutu'.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”