IBRANI 6:11 - KITAB NU TUMPU ALLA LELE MA'IMAI'

¹¹ Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

IBRANI 6:11 ပူးပေါင်းရင်းမြစ်များ

YESAYA 32:17

Batu-batu mian mombaumo palabuatan anu totu'u sahingga daagi'mo ko kantumuu'an ma'ima' ka' madi'mo ko anu mombau kahengge'an sampe toka sidu-sidutu'.

MATIUS 24:13

Panyo mian anu balatahan toka i mihinyo, timbali o posalamat.

LUKAS 1:1

Teofilus anu manonong, Manjoo' na mian anu binala usahamo montulis mato-matopos mongkona hahan anu jinadimo i totonga'to.

ROMA 12:8

Mian anu ko balakat mongkakeha'i mian sangga'at, tionyo totu-totu'u mongkakeha'i mian sangga'at. Mian anu ko balakat mombee'i mian sangga'at apaa na anu daagi' hi ia, tionyo obau na aijo' nu kinyonyoa manonong ka' pantas. Mian anu ko balakat mongatun, tionyo totu-totu'u mongatun. Mian anu ko balakat mompotoa kalibosan hi mian sangga'at, tionyo obau nu kinyonyoa sanang.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

GALATIA 5:5

Panyo de hi kami, kami taha'iman saba' de Roh nu Tumpu Allah na montulungi ka' mimpu'u kalana kami palesayamo hi Kristus, Tumpu montalimamo kami mompo'ule'mo ma'ima' tiba Ia.

GALATIA 6:9

Kalana aijo', boli kita ma'osa na mombau hahan anu ma'ima', kalana de kita madi' belenti, na mombau hahan aijo', kita mohumpakje hasinnyo.

FILIPI 3:15

Kita iwi-iwi' anu mangalati'mo i hahan nu rohani tionyo ahi' mintumuu' sumo aijo'. Panyo de itina' hi komiu daagi' ko anu ko pikilan sangga'at, saba' Tumpuje na mompotalang suele hi komiu.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

1 TESALONIKA 4:10

Ka' han aiya pinotoamo miu hi aha iwi-iwi' na to utu-utus anu sa'a-sa'angu' na kapalesaya'an i songko-songko na Makedonia. Panyo, to Utu-utus, opoita mami totu-totu'u da kantumuu'an miu timbali lebe ma'ima' mule'.

2 TESALONIKA 3:13

Panyo komiu boli ma'osa na mombau anu ma'ima'.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

YOSUA 7:3

aha ninsusule'mo mae ka' nompoto'imo hi Yosua. Aha notatae, “Madi' pilenje kita mamba iwi-iwi' mompahampateiakon Ai. Ola kila-kila ohua' kabai totolu' na madala na mian na osai. Boli iwi-iwi' na suludadu osaimo mamba mahampate, kalana kota aijo' ise'.”

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.

1 YOHANES 3:19

Sumo aitu na balu-balu'nyo kita monsumbu', saba' kita aijo' ninsoopmo to ana-anak nu Tumpu anu totu'u, ka' kinyonyoanto tataapmo i ahop nu Tumpu.

ANU PINOTO'I HI YOHANES 2:26

Aha anu inguntungmo, i uno nu kasabalan ka' anu sampe toka imihinyo na mombau apaa na anu Ku kahanda'i, Kubee'ije kuasa anu pokakana sumo anu i humpak-Kumo hi Tuumang-Ku. Aha montalimaje kakuasa'an hi beleng-Ku da mompalentah to bansa-bansa nu tokon besak, da bau pohopu'i to bansa-bansa aijo' sumo kuhon tano'.