IBRANI 5:7 - KITAB NU TUMPU ALLA LELE MA'IMAI'

⁷ Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

IBRANI 5:7 ပူးပေါင်းရင်းမြစ်များ

MAZMUR 22:24

Opuji' na Ia, o to mia-mian anu mohongo-hongo Tumpu! Opopodaka' na Ia, iwi-iwi' na mian lee' mae i Yakub! Osombah na Ia, iwi-iwi' na mian lee' mae i Israel!

MAZMUR 69:1

Anu mongkapali panyanyi. Ingala ilagu nu nyanyian Bunga Bakung. Nyanyian i Daud.

MAZMUR 88:1

Nyanyian. Mazmur nu aha sa'anakan mae i Korah. Anu mongkapalai panyanyi. Ingala i lagu nu nyanyian: Mahalat Leanot, Nyanyian pangajalan i Heman, mian nu Ezrahi.

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

IMAMAT 2:2

Ia tionyo ahi' momboa hi to ima-imam lee' i Harun. Imam anu mokalaja tionyo ahi' mongala sangkakup na labu aijo' tiba lanya' nu zaitun ka' iwi-iwi' na kamangiannyo, lantas nu potunumo i mezbah salaku tanda saba' iwi-iwi' aijo' sinombahkonmo hi Tumpu. Nohongo nu koloban anu okaan aijo' momposanangmo kinyonyoa nu Tumpu.

MATIUS 27:46

Jam totolu' mamalom, i Yesus noloboo' notatae daka-daka', “Eli, Eli lama sabakhtani?” alati'nyo, “O Tumpu Ku, o Tumpu Ku, kadaka' Belento nompala'imo Aku?”

MATIUS 27:50

Lapas aitu i Yesus noloboo' mule' daka-daka', lantas nompopupusmo nyawa-Nyo.

MARKUS 15:34

Ka' i jam totolu'mo mamalom, i Yesus noloboo'mo hoso-hoson nu potatae, “Eloi, Eloi, lama sabakhtani?” anu alati'nyo, “O Tumpungku, Tumpungku, kadaka' Belento mompala'imo aku?”

MARKUS 15:37

Lantas i Yesus noloboo'mo, ka' sinilakamo.

LUKAS 23:46

Lantas i Yesus noloboo' hoso-hoson, “Tuuma! I uno nu limanto Kusimpalakonmo na butong-Ku!” Noko potatae sumo aijo' ia sinilakamo.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 11:35

Lantas i Yesus i humangmo.

YOHANES 11:42

Kusumbu' Kita saja' mohongo Aku, panyo Ku taloakon na aiya kona hi to mia-mian anu aiya; da aha palesaya saba' Kitamo na nonsai mae Aku.”

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

IBRANI 10:10

I Yesus Kristus nombaumo apaa na anu nukahanda'i nu Tumpu Allah ka' butong-Nyo sinombahkonnyomo, salaku koloban. Kalana Ia nonsombahkonmo sumo aijo', ka' Ia nombaumo sumo aijo' ola ninsan sampe toka sidu-sidutu'; kita iwi-iwi' pinobelesi'mo i dosa'.

IBRANI 10:5

Mokonyo aijo' salatan i Kristus ninsoopmo i dunia, Ia notataemo hi Tumpu, “Belento madi' mongkahanda'i koloban ka' anu osombahkon; panyo ola mule' ahi' Belento nompotoukamo butong-Ku.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

IBRANI 2:14

Kalana to mia-mian anu sinanggo-Nyo anak aijo', atina'mo mian anu timbali silaka, jadi i Yesus tinimbalimo pokakana sumo aha ka' tinumuu'mo pokakana sumo mian. Ia nombau sumo aijo', da kalana Ia sinilaka sumo aijo' Ia timbali mohopu'i Ibilis anu mongkuasai kapatean.

1 YOHANES 4:3

Panyo mian anu madi' mongakui han aijo' mongkona i Yesus, madi' ko Roh nu Tumpu. Mian aijo' ko roh lengkat mae hi Sampo Bali' i Kristus. Kita Utus nohongomo tukoonyo Roh aijo' tokamo mae, ka' tempo' uuka ia, aiyamo i uno nu dunia aiya.

2 YOHANES 1:7

Manjoo'mo na anu baleko' nololomo i songko-songko na dunia. Ahamo atina' na to mia-mian anu madi' mompalesaya i Yesus Kristus anu tinokamo i dunia sumo samian na mian. Mian anu sumo aijo' atina'mo na anu mongakali ka' Sampo Bali' i Kristus.