IBRANI 5:13 - KITAB NU TUMPU ALLA LELE MA'IMAI'

¹³ Mian anu daagi' monginum susu alati'nyo ia daagi' bunga mea'; ia ma'isa ko'anu nu pisumbu-sumbu' mongkona apaa na anu totu'u ka' apaa na anu sala'.

IBRANI 5:13 ပူးပေါင်းရင်းမြစ်များ

MAZMUR 119:123

Matangku naposmo na montanda'i pontulungi mae nu Belento da momposalamat mae, ku tanda'imo da opobebas mae susumo anu jinanji'mo nu Belento.

YESAYA 28:9

Aha notusamo hi belengku, koonyo nu aha, “Ugaat koonyo pa' mongajan ihe? Daagi' ihe na mompalalui katalangan hi ia? Ugaat koonyo kita aiya daagi'anak ise' anu sala'je gina'at isusu nu tinanyo?

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

ROMA 2:20

kita Utus mompogulu' to mia-mian anu tabiatnyo ma'idek, ka' gulu' nu to mia-mian ponga'. Kita Utus mangaku totu-totu'u i uno nu atulan nu agama Yahudi, kita Utus monsumbu' iwi-iwi' kapandean ka' pangajalan anu totu'u.

1 KORINTUS 13:11

Tempo'nyo aku daagi' anak, aku basisik sumo anak, aku mingkinyonyoa sumo anak ka' aku bapikin sumo anak. Uuka aiya aku dinaka'mo, kalakuanku anu mingana-anak ingalinkumo.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

1 KORINTUS 3:1

To Utu-utus, de o'ala i hondonyo madi' moko ala na aku motatae tiba komiu sumo tiba mian anu ko Roh nu Tumpu. Aku ola moko ala motatae tiba beleyum sumo tiba mian anu daagi' tumuu' mombatuki pongka'oho' nu dunia; sumo mian anu daagi' bunga mea' i kapalesaya'annyo hi Kristus.

2 KORINTUS 3:9

De palajanjian anu mohukum mian aijo', sumo aijo'mo na ko lonyingkabannyo, tantu lebe lonyingkaban mule' na palajanjian anu moko ala mompotimbali mian mompo'ule ma'ima' tiba Tumpu Allah.

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

2 TIMOTIUS 3:16

Iwi-iwi' anu tinulismo i uno nu Kitab nu Tumpu anu binee'mo nu Tumpu da ogunakon mongajan anu totu'u, da mompokinde'i ka' mompoko'ima'i anu sala', ka' mongajan mian da tumuu' montuluti pongka'oho' nu Tumpu.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.

2 YOHANES 1:11

Kalana mian anu monsalan do'ai mian anu sumo aijo', singkonamo sumo mian aijo' mombau anu ma'idek.