IBRANI 5:1 - KITAB NU TUMPU ALLA LELE MA'IMAI'

¹ Batu-batu Imam Daka' opile'i hi aha mian anu palesayamo hi Tumpu, ka' o hangkat da mompojalan palentah nu Tumpu salaku wakin nu aha. Kalajanyo aijo'mo monsombahkon hi Tumpu, apa-apaa na obee' ka' okolobanakon bau pongampuni dosa'.

IBRANI 5:1 ပူးပေါင်းရင်းမြစ်များ

IMAMAT 8:2

“Laga na i Harun tiba to ana-anaknyo ka' boa na baju' nu imam, lanya' anu opake mombalakati, sa'angu' na sapi' lakinyo anu daagi' bata'nyo da bau koloban pongampuni dosa', ohua' na domba lakinyo ka' sa'angu' na loyang na roti anu madi' ko raginyo.

IMAMAT 9:7

Lapas aijo' ia notataemo hi Harun, “Lako'mo i mezbah ka' toukaimo na koloban bau pongampuni dosa' ka' koloban anu opotunu, da dosa' nu beleyum ka' dosa' nu mian nu ampunimo nu Tumpu. Bau na aijo' susumo anu pinalentahkonmo nu Tumpu.”

ROMA 15:17

Jadi, kalana aku nosa'angu'mo tiba i Kristus Yesus, sahingga aku timbali mongoa'i lame' i uno nu kalajangku bau kapentingan nu Tumpu.

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;

IBRANI 10:11

Batu-batu imam nu aha Yahudi mombau kalajanyo salaku imam sansina-sinaa, ka' saja' opo'uli-ulit na ia monsombahkon anu susumo aijo'. Panyo koloban haha aijo' madi' hondo moko alini dosa'.

IBRANI 10:12

Panyo i Kristus nonsombahkon poso' sa'angu' na koloban bau pongampuni dosa', ka' koloban aijo' montanggungimo sampe toka sidu-sidutu'. Noko lapas na nonsombahkon koloban aijo', i Kristus sinumuhangmo i sasu koanan nu Tumpu ka' nompalentahmo hingga-hinggat tiba Ia.

IBRANI 11:4

Kalana bala'iman, sahingga i Habel nonsombahkonmo hi Tumpu Allah koloban anu lebe ma'ima' molingkudui koloban i Kain. Kalana ia bala'iman sumo aijo', i Habel tinalimamo nu Tumpu salaku mian anu ma'ima', kalana inyata'mo na Tumpu nontalimamo anu sinombahkonnyo. I Habel sinilakamo, panyo kalana ia bala'iman, sahingga ia daagi' basisik sampe uuka aiya.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

IBRANI 7:27

Ia madi' sumo to ima-imam daka' sangga'at, anu toka sansina-sinaa tionyo monsombahkon koloban kalana posi dosa'nyo iwi-iwi', lapas aijo' atina'je ka' kalana to dosa-dosa' nu mian anu palesayamo. I Yesus nonsombahkon koloban ola ninsan panyo tinanggungnyomo sampe toka sidu-sidutu', tempo'nyo Ia nonsombahkonmo posi butong-Nyo salaku bau koloban.

IBRANI 8:3

Batu-batu Imam Daka' i hangkat da monsombahkon koloban kabai anu osombahkon hi Tumpu. Sumo aitu mule' na Imam Daka' to; Ia tionyo daagi' ko apa-apaa anu osombahkon.

IBRANI 8:4

Bisuannyo Ia jojoong i dunia aiya, Ia madi' timbali jadi imam kalana daagi'mo ko imam anu monsombahkon koloban anu otuntut i uno nu atulan nu agama Yahudi.

IBRANI 9:9

Aiya mongibalatakon tempo' uuka; alati'nyo saba' anu sola osombahkon ka' kolobaan binatang haha aijo' anu osombahkon hi Tumpu, madi' moko ala mompokopiani kinyonyoa nu mian anu momboa mae anu osombahkon.