IBRANI 4:16 - KITAB NU TUMPU ALLA LELE MA'IMAI'

¹⁶ Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

IBRANI 4:16 ပူးပေါင်းရင်းမြစ်များ

1 TAWARIKH 28:11

Lapas aijo' binee'mo i Daud hi Salomo apa-apaa na anu tinanga'anmo obau, aijo'mo Laigan nu Tumpu, to guda-gudangnyo, iwi-iwi' na salipi'nyo, ka' Salipi'nyo anu Susi' hondo, tampat pongampunian dosa'.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

EFESUS 3:12

Kalana palesaya hi Kristus, ka' kalana nosa'angu'mo tiba Ia, kita pinoloasmo mongohani Tumpu kalana pinalesayamo totu-totu'u.

IBRANI 13:6

Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

IBRANI 9:5

I bawo nu Peti' aijo' daagi' ko Patong nu Malaikat ohua', anu ko polipiknyo mongibalatakon Tumpu daagi' ko anu i kiijo'. Ohu-ohua' na polipik nu Malaikat aijo' binokanyo i bawo nu kolop nu Peti', aijo'mo tampat pongampunian dosa'. Panyo iwi-iwi' aijo' madi'mo opoko ala otutuhakon tempo' uuka toto sa'angu'.

1 PETRUS 2:10

Naipuan mae belemiu misa' mian anu pinalesayamo hi Tumpu, panyo uuka aiya belemiu mian anu pinalesayamo hi Tumpu. Naipuan mae belemiu madi' okalibosi nu Tumpu, panyo uuka aiya belemiu montalimamo pongkalibosi-Nyo.